Ik Shakhs Ko Chaha Tha

اک شخص کو دیکھا تھا
تاروں کی طرح ہم نے
اک شخص کو چاہا تھا
اپنوں کی طرح ہم نے
اک شخص کو سمجھا تھا
پھولوں کی طرح ہم نے
وہ شخص قیامت تھا
کیا اس کی کریں باتیں
دن اس کے لیے پیدا
اور اس کی ہی تھی راتیں
کم ملتا کسی سے تھا
ہم سے تھیں ملاقاتیں
رنگ اسکا شہابی تھا
زلفوں میں تھیں مہکاریں
آنکھیں تھیں کہ جادو تھا
پلکیں تھیں کہ تلواریں
دشمن بھی اگر دیکھیں
سو جان سے دل ہاریں
کچھ تم سے وہ ملتا تھا
باتوں میں سباہت تھی
ہم تم سا ہی لگتا تھا
شوخی میں شرارت میں
لگتا بھی تمہیں سا تھا
دستور محبت میں
وہ شخص ہمیں اک دن
اپنوں کی طرح بھولا
تاروں کی طرح ڈوبا
پھولوں کی طرح ٹوٹا
پھر ہاتھ نا آیا وہ
ہم نے بہت ڈھونڈا
تم کس لیے چونکے ہو
کب زکر تمہارہ ہے
کب تم سے تقاضا ہے
کب تم سے شکایت ہے
ایک تازہ حقیقت ہے
سن لو تو عنایت ہے
اک شخص کو چاہا تھا
اپنوں کی طرح ہم نے

Ik Shakhs Ko Chaha Tha Apno Ki Tarah Hum Ne
Ik Shakhs Ko Rakha Tha Taron Ki Tarah Hum Ne
Wo Shakhs Qayamat Tha Kaya Baat Karu Us Ki
Ik Shakhs Ko Mana Tha Khushboo Ki Tarah Hum Ne
Din Us Ke Liye Payda The Thee Us K Liye Ratein
Kab Milta Tha Wo Kisi Se Wo Bus Hum se Hi Theen Mulakatein
Ik Din Wo Shakhs Hum Ko Apno Ki Tarah Bhoola
Phoolon Ki Tarah Bikhra. Taron Ki Tarah Toota
Phir Tum Kiyun Yun Chonkey Ho?
Kab Zikr Tumhara Hai?
Kab Tum Se Khawahish Hai?
Kab Tum Se Umeedein Hai?
Kab Tum Se Tamanna Hai?
Kab Tum Se Taqaza Hai?
Ik Taaza Haqayat Hai Sun Lo To Inayat Hai
Ik Shakhs Ko Chaha Tha
Ik Shakhs Ko Chaha Tha Apno Ki Tarah Hum Ne
Ik Shakhs Ko Rakha Tha Taron Ki Tarah Hum Ne

Kuch Din To Baso Meri Aankhon Mein

کچھ دن تَو بسو مری آنکھوں میں
پھر خواب اگر ہو جاؤ تو کیا

کوئی رنگ تو دو مرے چہرے کو
پھر زخم اگر مہکاؤ تو کیا

جب ہم ہی نہ مہکے پھر صاحب
تم بادِ صبا کہلاؤ تو کیا

اِک آئینہ تھا سو ٹوٹ گیا
اب خود سے اگر شرماؤ تو کیا

تم آس بندھانے والے تھے،
اب تم بھی ہمیں ٹھکراؤ تو کیا

دنیا بھی وہی اور تم بھی وہی
پھر تم سے آس لگاؤ تو کیا

میں تنہا تھا میں تنہا ہوں
تم آؤ تو کیا نہ آؤ تو کیا

جب دیکھنے والا کوئی نہیں
بجھ جاؤ تو کیا گہناؤ تو کیا

اِک وہم ہے یہ دُنیا اس میں
کچھ کھوؤ تو کیا اور پاؤ تو کیا

ہے یوں بھی زیاں اور یوں بھی زیاں
جی جاؤ تو کیا مر جاؤ تو کیا

Kuch Din To Baso Meri Aankhon Mein
Phir Khwab Agar Ho Jaao To Kya

Koi Rang To Do Mere Chehre Ko
Phir Zakhm Agar Mehkaao To Kya

Jab Hum Hi Na Mehke Phir Sahib
Tum Bad-E-Sbaa Kehlaao To Kya

Ek Aaina Tha So Toot Gyaa
Ab Khud Se Agar Sharmaao To Kya

Mein Tanhaa Tha Mein Tanhaa Hoon
Tum Aao To Kya Na Aao To Kya!

Jab Dekhne Wala Koi Nahin
Bujh Jaao To Kya Genaao To Kya

Hai Yoon Bhi Zyaan Aur Yoon Bhi Zyaan
Ji Jaao To Kya Marr Jaao To Kya

Kal Raat Bazam Mein jo Mila

کل رات بزم میں جو مِلا، گلبدن سا تھا
خوشبو سے اُس کے لفظ تھے، چہرہ چمن سا تھا

دیکھا اُسے تو بول پڑے اُس کے خدّوخال
پوچھا اُسے تو چپ سا رہا، کم سُخن سا تھا

تنہائیوں کی رُت میں بھی لگتا تھا مُطمئن
وہ شخص اپنی ذات میں اِک انجمن سا تھا

سوچا اُسے، تو میں کئی رنگوں میں کھو گیا
عالم تمام اُس کے حسِیں پیرہن سا تھا

جو شاخ شوخ تھی، وہ اُسی کے لبوں سی تھی
جو پھول کھِل گیا، وہ اُسی کے دہن سا تھا

وہ سادگی پہن کے بھی دل میں اُتر گیا
اُس کی ہر اک ادا میں عجب بھولپن سا تھا

آساں سمجھ رہے تھے اُسے شہرِ جاں کے لوگ
مشکل تھا اِس قدر، کہ مِرے اپنے فن سا تھا

وہ گفتگو تھی اُس کی، اُسی کے لیے ہی تھی!
کہنے کو، یوں تو میں بھی شریکِ سُخن سا تھا

تارے تھے چاندنی میں، کہ تہمت کے داغ تھے
مُحسن کل آسمان بھی، میرے کفن سا تھا

Kal Raat Bazam Mein jo Mila Gulbadan Saa Tha
Khushboo Say Uss ke Lafz Thy Chehra Chaman Sa Tha

Daikha Ussay Tou Bol Paray Uss Kay Khad.o.Khaal
Poocha Ussay Tu Chup sa raha, Kam Sukhan Sa tha

Tunhaiyoon Kee Rutt Mein Bhi Lagta Tha Mut'mayeen
Wo Shakhs Apni Zaat Mein Ik Anjuman Sa Tha

Socha Ussay Tu Mein Kai Rungoon mein Kho Gaya
Alam Tamaam Uss Kay Haseen Payrhan Saa Tha

Jo Shaakh Shaakh Thee woh Ussi Kay Labon See Thi
Jo Phool Khil Gaya Tha Woh Ussi Kay Dehan Saa Tha

Woh Sadgi Pehan Kay Bhi Dil Mein Utar Gaya
Uss Ke Har Ik Ada Mein Ajab Bhoolpan Saa Tha

Asaan Samajh Rahay Thai Ussay Shehar e Jaan Ke Log
Mushkil Tha Iss Qadar Kay Mairay Apnay Fun Sa Tha

Woh Guftagoo Thee Uss Ke, Ussi Kay Liye Hee Thi !
Kehnay Ko Youn Tu Mein Bhi Shareek e Sukhan saa Tha

Taray Thy Chandini mein Keh Tuhmat Kay Daagh Thy
Mohsin Kal Asmaan Bhi Mairay Kafaan Sa Tha

RaQs Kia Kbhi Shor Machaya,Pehli Pehli Barish Me

رقص کیا کبھی شور مچایا پہلی پہلی بارش میں،
میں تھا میرا پاگل پن تھا پہلی پہلی بارش میں،

ایک اکیلا میں ہی گھر میں خوفزدہ سا بیٹھا تھا،
ورنہ شہر تو بھیگ رہا تھا پہلی پہلی بارش میں،

آنے والے سبز دنوں کی سب شادابی اس سے ہے،
آنکھوں نے جو منظر دیکھا پہلی پہلی بارش میں،

شام پڑے سوجانے والا دیپ بجھا کر یادوں کے،
رات گئے تک جاگ رہا تھا پہلی پہلی بارش میں

جانے کیا کیا خواب بنے تھے پہلے ساون میں، میں نے،
جانے اس پر کیا کیا لکھا پہلی پہلی بارش میں۔

RaQs Kia Kbhi Shor Machaya,Pehli Pehli Barish Me
‘Me Tha’ ‘Mera Pagal Pan tha’Pehli Pehli Barish Me

Ek Akela Me Hi Ghar Me Khoofzda Sa Betha Tha
Warna Shehr To Bheeg Rha Tha, Pehli Pehli Barish Me

Anay Walay Sabz Dinon Ki Sab Shadabi Us Sy Hy,
Aankhon Ny Jo Manzr Dekha, Pehli Pehli Baarish Me,

 Sham Paray So Jaany Waala Deep Bujha Kr Yaadon K
Rat Gaye Tak Jaag Raha Tha Pehli Pehli Barish Me. .*

Jane kya kya khawb bune the pehle sawan Main
jane us par kya kya likha pehli pehli Barish Main

Baat Yeh Tere Siwa Aur Bahla Kis Se Karain

بات یہ تیرے سوا اور بھلا کس سے کریں
توُ جفا کار ہوا ہے تو وفا کس سے کریں

آئینہ سامنے رکھیں تو نظر توُ آئے
تُجھ سے جو بات چُھپانی ہو، کہا کس سے کریں

ہاتھ اُلجھے ہوئے ریشم میں پھنسا بیٹھے ہیں
اب بتا! کون سے دھاگے کو جُدا کس سے کریں

زُلف سے چشم و لب و رُخ سے کہ تیرے غم سے
بات یہ ہے کہ دل و جاں کو رہا کس سے کریں

توُ نہیں ہے تو پھر اے حُسنِ سخن ساز، بتا
اس بھرے شہر میں ہم جیسے مِلا کس سے کریں

توُ نے تو اپنی سی کرنی تھی، سو کر لی خاور
مسئلہ یہ ہے کہ ہم اس کا گلا کس سے کریں

Baat Yeh Tere Siwa Aur Bahla Kis Se Karain
Tu Jafa Kaar Howa Hay To Wafa Kis Se Karain

Aiina Samne Rakhain To Nazar Tu Aaye
Baat Jo Tujh Se Chupaani Ho Kaha Kis Se Karain

Hath Uljhe Howay Resham Main Phansa Baithe Hain
Ab Bata Kaun Se Dhaage Ko Juda Kis Se Karain

Zulf Se Chashm Lab O Rukh Se K Tere Ghum Se
Baat Yeh Hay K Dil O Jaan Ko Rihaa Kis Se Karain

Tu Nahi Hay To Phir Aye Husan E Saaz Bata
Is Bhare Shehar Main Hum Jaise Mila Kis Se Karain

Tu Nay To Apni SI Karni Thi So Kar Li Khawar
Masla Yeh Hay K Hum Is Ka Gilla Kis Se Karain

Paas rahkar juda si lagti hai

    پاس رہ کر جُدا سی لگتی ہے
    زندگی بےوفا سی لگتی ہے

    میں تمھارے بغیر بھی جی لوں
    یہ دُعا، بددُعا سی لگتی ہے

    نام اُس کا لکھا ہے آنکھوں پر
    آنسوؤں کی خطا سی لگتی ہے

    وہ ابھی اِس طرف سے گزرا ہے
    یہ زمیں آسماں سی لگتی ہے

    پیار کرنا بھی جُرم ہے شاید
    آج دُنیا خفا سی لگتی ہے

Paas rahkar juda si lagti hai
Zindgi be wafa si lagti hai

Main tumhare bagher bhi ji lun
Ye dua baddua si lagti hai

N aam uska likha hai ankhon par
Ansuon ki khata si lagti hai

Woh abhi is taraf se guzra hai
Ye zamin asman si lagti hai

Pyar karna bhi jurm hai shayad
Aaj duniya khafa si lagti hai