SAB MAYA HAI

سب مایا ہے، سب ڈھلتی پھرتی چھایا ہے
اس عشق میں ہم نے جو کھویا جو پایا ہے
جو تم نے کہا ہے، فیض نے جو فرمایا ہے
سب مایا ہے

ہاں گاہے گاہے دید کی دولت ہاتھ آئی
یا ایک وہ لذت نام ہے جس کا رسوائی
بس اس کے سوا تو جو بھی ثواب کمایا ہے
سب مایا ہے

اک نام تو باقی رہتا ہے، گر جان نہیں
جب دیکھ لیا اس سودے میں نقصان نہیں
تب شمع پہ دینے جان پتنگا آیا ہے
سب مایا ہے

معلوم ہمیں سب قیس میاں کا قصہ بھی
سب ایک سے ہیں، یہ رانجھا بھی یہ انشا بھی
فرہاد بھی جو اک نہر سی کھود کے لایا ہے
سب مایا ہے

کیوں درد کے نامے لکھتے لکھتے رات کرو
جس سات سمندر پار کی نار کی بات کرو
اس نار سے کوئی ایک نے دھوکا کھایا ہے
سب مایا ہے

جس گوری پر ہم ایک غزل ہر شام لکھیں
تم جانتے ہو ہم کیونکر اس کا نام لکھیں
دل اس کی بھی چوکھٹ چوم کے واپس آیا ہے
سب مایا ہے

وہ لڑکی بھی جو چاند نگر کی رانی تھی
وہ جس کی الھڑ آنکھوں میں حیرانی تھی
آج اس نے بھی پیغام یہی بھجوایا ہے
سب مایا ہے

جو لوگ ابھی تک نام وفا کا لیتے ہیں
وہ جان کے دھوکے کھاتے، دھوکے دیتے ہیں
ہاں ٹھوک بجا کر ہم نے حکم لگایا ہے
سب مایا ہے

جب دیکھ لیا ہر شخص یہاں ہرجائی ہے
اس شہر سے دور ایک کُٹیا ہم نے بنائی ہے
اور اس کُٹیا کے ماتھے پر لکھوایا ہے
سب مایا ہے

 sab maya hai sab dhalti phirti chaya hai
is ishq main hum ne jo khoya jo paya hai
jo tum ne kaha faiz ne jo farmaya hai
sab maya hai

haan gahe gahe deed ki daolat haath aai
ya aik eo lazzat naam hai jis ka ruswai
bas is k siwa to jo sawab kamaya hai
sab maya hai

ik naam to baqi rehta hai gar jaan nahi
jab daikh liya is saode main nuqsaan nahi
tab shama pe dene jaan putanga aaya hai
sab maya hai

maloom humain sab qais miyan ka qissa bhi
sab aik se hain ye ranjha bhi ye insha bhi
farhaad bhi jo ik nehar si khod k lya hai
sab maya hai

kiyon dard k name likhte likhte raat karo
jis saat samandar par ki naar ki baat karo
us naar se koi aik ne dhoka khaya hai
sab maya hai

jis gori par hum aik ghazal har sham likhain
tum jante ho hum kiyon kar us ka naam likhain
dil us ki bhi chaokhat choom k wapis aaya hai
sam maya hai

wo larki bhi jo chand nagar ki rani thi
wo jis ki alhar aankhon main hairani thi
aaj us ne bhi paigham yehi bhijwaya hai
sab maya hai

jo log abhi tak naam wafa ka lete hain
wo jaan k dhoka khate dhoka dete hain
haan thonk baja kar hum ne hukam lagaya hai
sab maya hai

jab daikh liya har shakhs yahan harjai hai
is shehar se door ik kutiya hum ne basai hai
aor us kutiya k mathe pe likhwaya hai
sab maya hai