wo ishq jo hum say rooth gaya

وہ عِشق جو ہم سے رُوٹھ گیا، اب اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا

اِک ہِجر جو ہم کو لاحق ہے تا دیر اسے دہرائیں کیا
وہ زہر جو دِل میں اتار لیا پھر اس کے ناز اُٹھائیں کیا

پھر آنکھیں لہو سے خالی ہیں یہ شمعیں بجھنے والی ہیں
ہم خُود بھی کسی کے سوالی ہیں اس بات پہ ہم شرمائیں کیا

اِک آگ غمِ تنہائی کی جو سارے بدن میں پھیل گئی
جب جسم ہی سارا جلتا ہو پھر دامنِ دل کو بچائیں کیا

ہم نغمہ سرا کچھ غزلوں کے ہم صُورت گر کچھ چہروں کے
بے جذبۂ شوق سنائیں کیا کوئی خواب نہ ہو تو بتائیں کیا

 wo ishq jo hum say rooth gaya ab us ka haal sunain kya
koi mehr nahin koi qehar nahin phir sacha shair sunain kya

ik hijr jo hum ko lahaq hai ta dair usay duhrain kya
wo zehar jo dil mian utaar liya phir is kay naaz uthain kya

phir aankhain laho khali hain ye shamain bujhnay wali hain
hum khud bhi kisi kay sawali hain is baat pay hum sharmain kya

ik aag gham e tanhai ki jo saray badan main phail gaii
jab jism hi sara jalta ho phir daman dil ko bachain kya

hum naghma sara khuch gazlon kay hum soorat gar kuch chehroon kay
hai jazba shaok sunain kya koi khawb na ho to batain kya