Kuch Din To Baso Meri Aankhon Mein

کچھ دن تَو بسو مری آنکھوں میں
پھر خواب اگر ہو جاؤ تو کیا

کوئی رنگ تو دو مرے چہرے کو
پھر زخم اگر مہکاؤ تو کیا

جب ہم ہی نہ مہکے پھر صاحب
تم بادِ صبا کہلاؤ تو کیا

اِک آئینہ تھا سو ٹوٹ گیا
اب خود سے اگر شرماؤ تو کیا

تم آس بندھانے والے تھے،
اب تم بھی ہمیں ٹھکراؤ تو کیا

دنیا بھی وہی اور تم بھی وہی
پھر تم سے آس لگاؤ تو کیا

میں تنہا تھا میں تنہا ہوں
تم آؤ تو کیا نہ آؤ تو کیا

جب دیکھنے والا کوئی نہیں
بجھ جاؤ تو کیا گہناؤ تو کیا

اِک وہم ہے یہ دُنیا اس میں
کچھ کھوؤ تو کیا اور پاؤ تو کیا

ہے یوں بھی زیاں اور یوں بھی زیاں
جی جاؤ تو کیا مر جاؤ تو کیا

Kuch Din To Baso Meri Aankhon Mein
Phir Khwab Agar Ho Jaao To Kya

Koi Rang To Do Mere Chehre Ko
Phir Zakhm Agar Mehkaao To Kya

Jab Hum Hi Na Mehke Phir Sahib
Tum Bad-E-Sbaa Kehlaao To Kya

Ek Aaina Tha So Toot Gyaa
Ab Khud Se Agar Sharmaao To Kya

Mein Tanhaa Tha Mein Tanhaa Hoon
Tum Aao To Kya Na Aao To Kya!

Jab Dekhne Wala Koi Nahin
Bujh Jaao To Kya Genaao To Kya

Hai Yoon Bhi Zyaan Aur Yoon Bhi Zyaan
Ji Jaao To Kya Marr Jaao To Kya

Kal Raat Bazam Mein jo Mila

کل رات بزم میں جو مِلا، گلبدن سا تھا
خوشبو سے اُس کے لفظ تھے، چہرہ چمن سا تھا

دیکھا اُسے تو بول پڑے اُس کے خدّوخال
پوچھا اُسے تو چپ سا رہا، کم سُخن سا تھا

تنہائیوں کی رُت میں بھی لگتا تھا مُطمئن
وہ شخص اپنی ذات میں اِک انجمن سا تھا

سوچا اُسے، تو میں کئی رنگوں میں کھو گیا
عالم تمام اُس کے حسِیں پیرہن سا تھا

جو شاخ شوخ تھی، وہ اُسی کے لبوں سی تھی
جو پھول کھِل گیا، وہ اُسی کے دہن سا تھا

وہ سادگی پہن کے بھی دل میں اُتر گیا
اُس کی ہر اک ادا میں عجب بھولپن سا تھا

آساں سمجھ رہے تھے اُسے شہرِ جاں کے لوگ
مشکل تھا اِس قدر، کہ مِرے اپنے فن سا تھا

وہ گفتگو تھی اُس کی، اُسی کے لیے ہی تھی!
کہنے کو، یوں تو میں بھی شریکِ سُخن سا تھا

تارے تھے چاندنی میں، کہ تہمت کے داغ تھے
مُحسن کل آسمان بھی، میرے کفن سا تھا

Kal Raat Bazam Mein jo Mila Gulbadan Saa Tha
Khushboo Say Uss ke Lafz Thy Chehra Chaman Sa Tha

Daikha Ussay Tou Bol Paray Uss Kay Khad.o.Khaal
Poocha Ussay Tu Chup sa raha, Kam Sukhan Sa tha

Tunhaiyoon Kee Rutt Mein Bhi Lagta Tha Mut'mayeen
Wo Shakhs Apni Zaat Mein Ik Anjuman Sa Tha

Socha Ussay Tu Mein Kai Rungoon mein Kho Gaya
Alam Tamaam Uss Kay Haseen Payrhan Saa Tha

Jo Shaakh Shaakh Thee woh Ussi Kay Labon See Thi
Jo Phool Khil Gaya Tha Woh Ussi Kay Dehan Saa Tha

Woh Sadgi Pehan Kay Bhi Dil Mein Utar Gaya
Uss Ke Har Ik Ada Mein Ajab Bhoolpan Saa Tha

Asaan Samajh Rahay Thai Ussay Shehar e Jaan Ke Log
Mushkil Tha Iss Qadar Kay Mairay Apnay Fun Sa Tha

Woh Guftagoo Thee Uss Ke, Ussi Kay Liye Hee Thi !
Kehnay Ko Youn Tu Mein Bhi Shareek e Sukhan saa Tha

Taray Thy Chandini mein Keh Tuhmat Kay Daagh Thy
Mohsin Kal Asmaan Bhi Mairay Kafaan Sa Tha

RaQs Kia Kbhi Shor Machaya,Pehli Pehli Barish Me

رقص کیا کبھی شور مچایا پہلی پہلی بارش میں،
میں تھا میرا پاگل پن تھا پہلی پہلی بارش میں،

ایک اکیلا میں ہی گھر میں خوفزدہ سا بیٹھا تھا،
ورنہ شہر تو بھیگ رہا تھا پہلی پہلی بارش میں،

آنے والے سبز دنوں کی سب شادابی اس سے ہے،
آنکھوں نے جو منظر دیکھا پہلی پہلی بارش میں،

شام پڑے سوجانے والا دیپ بجھا کر یادوں کے،
رات گئے تک جاگ رہا تھا پہلی پہلی بارش میں

جانے کیا کیا خواب بنے تھے پہلے ساون میں، میں نے،
جانے اس پر کیا کیا لکھا پہلی پہلی بارش میں۔

RaQs Kia Kbhi Shor Machaya,Pehli Pehli Barish Me
‘Me Tha’ ‘Mera Pagal Pan tha’Pehli Pehli Barish Me

Ek Akela Me Hi Ghar Me Khoofzda Sa Betha Tha
Warna Shehr To Bheeg Rha Tha, Pehli Pehli Barish Me

Anay Walay Sabz Dinon Ki Sab Shadabi Us Sy Hy,
Aankhon Ny Jo Manzr Dekha, Pehli Pehli Baarish Me,

 Sham Paray So Jaany Waala Deep Bujha Kr Yaadon K
Rat Gaye Tak Jaag Raha Tha Pehli Pehli Barish Me. .*

Jane kya kya khawb bune the pehle sawan Main
jane us par kya kya likha pehli pehli Barish Main

Baat Yeh Tere Siwa Aur Bahla Kis Se Karain

بات یہ تیرے سوا اور بھلا کس سے کریں
توُ جفا کار ہوا ہے تو وفا کس سے کریں

آئینہ سامنے رکھیں تو نظر توُ آئے
تُجھ سے جو بات چُھپانی ہو، کہا کس سے کریں

ہاتھ اُلجھے ہوئے ریشم میں پھنسا بیٹھے ہیں
اب بتا! کون سے دھاگے کو جُدا کس سے کریں

زُلف سے چشم و لب و رُخ سے کہ تیرے غم سے
بات یہ ہے کہ دل و جاں کو رہا کس سے کریں

توُ نہیں ہے تو پھر اے حُسنِ سخن ساز، بتا
اس بھرے شہر میں ہم جیسے مِلا کس سے کریں

توُ نے تو اپنی سی کرنی تھی، سو کر لی خاور
مسئلہ یہ ہے کہ ہم اس کا گلا کس سے کریں

Baat Yeh Tere Siwa Aur Bahla Kis Se Karain
Tu Jafa Kaar Howa Hay To Wafa Kis Se Karain

Aiina Samne Rakhain To Nazar Tu Aaye
Baat Jo Tujh Se Chupaani Ho Kaha Kis Se Karain

Hath Uljhe Howay Resham Main Phansa Baithe Hain
Ab Bata Kaun Se Dhaage Ko Juda Kis Se Karain

Zulf Se Chashm Lab O Rukh Se K Tere Ghum Se
Baat Yeh Hay K Dil O Jaan Ko Rihaa Kis Se Karain

Tu Nahi Hay To Phir Aye Husan E Saaz Bata
Is Bhare Shehar Main Hum Jaise Mila Kis Se Karain

Tu Nay To Apni SI Karni Thi So Kar Li Khawar
Masla Yeh Hay K Hum Is Ka Gilla Kis Se Karain

Paas rahkar juda si lagti hai

    پاس رہ کر جُدا سی لگتی ہے
    زندگی بےوفا سی لگتی ہے

    میں تمھارے بغیر بھی جی لوں
    یہ دُعا، بددُعا سی لگتی ہے

    نام اُس کا لکھا ہے آنکھوں پر
    آنسوؤں کی خطا سی لگتی ہے

    وہ ابھی اِس طرف سے گزرا ہے
    یہ زمیں آسماں سی لگتی ہے

    پیار کرنا بھی جُرم ہے شاید
    آج دُنیا خفا سی لگتی ہے

Paas rahkar juda si lagti hai
Zindgi be wafa si lagti hai

Main tumhare bagher bhi ji lun
Ye dua baddua si lagti hai

N aam uska likha hai ankhon par
Ansuon ki khata si lagti hai

Woh abhi is taraf se guzra hai
Ye zamin asman si lagti hai

Pyar karna bhi jurm hai shayad
Aaj duniya khafa si lagti hai

Mohabbaton Ka hisaab tha

محبتوں کا حساب تھا نہ عداوتوں کا شمار تھا
کبھی اُس کی ذات عذاب تھی کبھی روح کا وہ قرار تھا

میری پیاس اُتنی ہی بڑھ گئی کہ سراب جتنے ملے مجھے
ہوا دھوکہ جس پہ گلاب کا وہ سلگتا جلتا شرار تھا

اُسے میں نےمڑ کے صدا نہ دی پلٹ گیا تھا وہ راہ سے
میں خزاں ہوا تو پتا چلا میری ذات کا وہ نکھار تھا

تو بھی دور ہے میں بھی دور ہوں کیوں الگ ہوے یہ راستے
تیری چاہتوں کا گریز تھا یا میری انَا کا حصار تھا

وہ اگر کسی کو ملے کہیں تو کوئی بتادبے اُسے ذرا
میرے فنِ شعر کی بے خودی تیرے عشق ہی کا خمار تھا

mOhabbatOn Ka hisaab tha na adaWatoOn Ka shumaar tha
Kabhi zaat Us Ki aZaab thi Kabhi rooh Ka Woh qarar tha

usY mein nY mur K sada na di Keh palat gaYa tha Woh Raah sY
Mein Khizaan hua to pata chala meri zaat Ka Woh niKhaar tha

Meri pYaas utni hi barh gaYi Keh saraab jitnY milY mujhY
Hua jis pY dhOKa gulaab Ka Woh sulgta jalta sharara tha

tu bhi dur hY mein bhi dur hOon ' KioOn alag huYe Yeh RaatY
Meri chahtOn Ka guraiz tha Ya teri ana Ka hisaar tha

Woh Kabhi Kisi Ko milY Kahin to KoYi bata dY usY zara
meri fun-e-shair Ki bY'Khudi terY IshQ Ka hi Khumaar tha

JO KHAYAL THAY NA QAYAS THAY

جو خیال تھے نہ قیاس تھے وہی لوگ مجھ سے بچھڑ گئے
جو محبتوں کے اساس تھے وہی لوگ مجھ سے بچھڑ گئے

جنہیں مانتا ہی نہیں یہ دل، وہی لوگ میرے ہیں ہمسفر
مجھے ہر طرح سے جوراس تھے وہی لوگ مجھ سے بچھڑ گئے

مجھے لمحہ بھر کی رفاقتوں کے سراب اور ستائیں گے
میری عمر بھر کی جو پیاس تھے وہی لوگ مجھ سے بچھڑ گئے

یہ خیال سارے ہیں عارضی،یہ گلاب سارے ہیں کاغذی
گلِ آرزو کی جو باس تھے وہی لوگ مجھ سے بچھر گئے

جنہیں کر سکا نہ قبول میں،وہ شریک راہِ سفر ہوئے
جو مری طلب مِری آس تھے وہی لوگ مجھ سے بچھڑ گئے

مری دھڑکنوں کے قریب تھے ،مری چاہ تھے ،مرا خواب تھے
جو روز و شب مرے پاس تھے وہی لوگ مجھ سے بچھڑ گئے

JO KHAYAL THAY NA QAYAS THAY WAHEE LOG HUMSAY BICHAR GAYAY
MERI ZINDAGI KEE JO AAS THAY WAHEE LOG HUMSAY BICHAR GAYAY

JINHAIN MAANTA HEE NAHEEN YEH DIL, WAHEE LOG HAIN MAIRAY HUMSAFAR
MUJHAY HAR TARAH SAY JO RAAS THAY WAHEE LOG MUJH SAY BICHAR GAYAY

MUJHAY LAMHA BHAR KEE RAFA'QATON KAY AZAB AUR SATAYAINGAY
MERI UMR BHAR KEE JO PIYAS THAY WAHEE LOG HUMSAY BICHAR GAYAY

YEH KHAYAL SAARAY HAIN AARZI, YEH GULAB SAARAY HAIN KAAGHZI
GUL-E-AARZO KEE JO BAAS THAY WAHEE LOG HUMSAY BICHAR GAYAY

JINHAIN KAR SAKA NAAA QABOOL MAIN, WOH SHAREEQ-E-RAAH SAFAR HUWAY
JO MERI TALAB MERI AAS THAY WAHEE LOG HUMSAY BICHAR GAYAY

YEH JO RAAT DIN JO MAIRAY SAATH HAIN WAHEE AJNABI KAY HAIN AJNABEE
WOH JO DHARKANON KEE ASAS THAY WAHEE LOG HUMSAY BICHAR GAYAY

inhin khushgumaniyon main

انہی خوش گمانیوں میں کہیں جاں سے بھی نہ جاؤ
وہ جو چارہ گر نہیں ہے اسے زخم کیوں دکھاؤ

یہ اداسیوں کے موسم یونہی رائیگاں نہ جائیں
کسی یاد کو پکارو کسی درد کو جگاؤ

وہ کہانیاں ادھوری جو نہ ہو سکیں گی پوری
انہیں میں بھی کیوں سناؤں انہیں تم بھی کیوں سناؤ

یہ جدائیوں کے رستے بڑی دور تک گئے ہیں
جو گیا وہ پھر نہ آیا مری بات مان جاؤ

کسی بے وفا کی خاطر یہ جنوں فراز کب تک
جو تمہیں بھلا چکا ہے اسے تم بھی بھول جاؤ

inhin khushgumaniyon main kahin jan se bhi na jao
vo jo charagar nahin hai use zaKhm kyun dhikhao

ye udasiyon k mausam kahin rayegan na jayen
kisi zaKhm ko kuredo kisi dard ko jagao

vo kahaniyan adhuri jo na ho sakaingi puri
unhen main bhi kyun sunaun unhen tum bhi kyun sunao

ye judaiyon k raste bari dur tak gaye hain
jo gaya vo phir na lauta meri bat man jao

kisi bevafa ki khatir ye junun 'Faraz' kab tak
jo tumhen bhula chuka hai use tum bhi bhool jao

Ab wO toOfan hai na shor hawaon jaisa

اب وہ طوفان ہے نہ وہ شور ہواؤں جیسا
دل کا عالم ہے تیرے بعد خلاؤں جیسا

کاش دنیا میرے احساس کو واپس کر دے
خامشی کا وہی انداز،صداؤں جیسا

پاس رہ کر بھی ہمیشہ وہ بہت دور ملا
اس کا انداز تغافل تھا خداؤں جیسا

کتنی شدت سے بہاروں کو تھا احساس مآل
پھول کھل کر بھی لگا زرد خزاؤں جیسا

کیا قیامت ہے کہ دنیا اسے سردار کہے
جس کا انداز سخن بھی ہو گداؤں جیسا

پھر تیری یاد کے موسم نے جگائے محشر
پھر میرے دل میں اٹھا شور ہواؤں جیسا

بارہا خواب میں پا کر مجھے پیاسامحسنؔ
اس کی زلفوں نے کیا رقص گھٹاؤں جیسا

Ab wO toOfan hai na shor hawaon jaisa
Dil ka aalam hai tere baad khalaon jaisa

Kash duniya mere ehsas ko wapis kar de
KhamOshi ka wohi andaz sadaon jaisa
...
Paas reh kar bhi hamesha wo bohat door mila
Uska andaz-e-taghaful tha Khudaon jaisa

Phir teri yaad k mOsam ne jagaye mehshar
Phir mere dil mein utha shOr hawaon jaisa

Baarha khawab mein paa kar mujhe pyasa Mohsin'
Uski zulfOn ne kia raqs ghataOn jaisa

tere khayal se lo de uthi hai tanhayi

تیرے خیال سے لو دے اُٹھی ہے تنہائی
شبِ فراق ہے یا تیری جلوہ آرائی

تُو کس خیال میں ہے منزلوں کے شیدائی
انہیں بھی دیکھ جنہیں راستے میں نیند آئی

پکار اے جرسِ کاروانِ صبح طرب
بھٹک رہے ہیں اندھیروں میں تیرے سودائی

ٹھہر گئے ہیں سرِراہ خاک اڑانے کو
مسافروں کو نہ چھیڑ اے ہوائے صحرائی

رہِ حیات میں کچھ مرحلے تو دیکھ لیے
یہ اور بات تری آرزو نہ راس آئی

یہ سانحہ بھی محبت میں بارہا گزرا
کہ اس نے حال بھی پوچھا تو آنکھ بھر آئی

دل افسردہ میں پھر دھڑکنوں کا شور اٹھا
یہ بیٹھے بیٹھے مجھے کن دنوں کی یاد آئی

کھلی جو آنکھ تو کچھ اور ہی سماں دیکھا
وہ لوگ تھے نہ وہ جلسے نہ شہر رعنائی

پھر اس کی یاد میں دل بے قرار ہے ناصر
بچھڑ کے جس سے ہوئی شہر شہر رسوائی ــــــــــــ!!!!!

 

 

tere khayal se lo de uthi hai tanhayi
shab firaaq hai ya teri jalwah aarayi

tu kis khayal mein hai manzilon ke shedayi
unhein bhi dekh jinhein raaste mein neend aayi

pukaar aye jars-e-karwaan-e-subah tarb
bhatak rahe hain andheron mein tere sodayi

thehar gaye hain sar-e-raah khaak uraane ko
musaafiron ko na cher aye hawaye sehrayi

rah hayaat mein kuch marhale to dekh lein
ye aur baat teri aarzoo na raas aayi

ye saneha bhi mohabbat mein baraha guzra
ke us ne haal bhi poocha to aankh bhar aayi

dil fasardah mein phir dharkanon ka shor utha
ye bethe bethe mujhe kin dinon ki yaad aayi

main sote sote kayi baar chonk chonk pari
tamam raat tere pehluon se aanch aayi

jahan bhi tha koi fitna tarap ke jaag utha
tamam hosh thi masti mein teri angraayi

khuli jo aankh to kuch aur hi saman dekha
woh log the na woh jalse na sehar renaayi

woh taab dard woh sodaaye intezaar kahan
unhi ke saath gayi taaqat ke shakeebayi

phir us ki yaad mein dil beqarar hai Nasir
bichar ke jis hui shehar shehar ruswayi

Wafa Mein Ab Yeh Hunar Ikhtayaar Karna Hai

وفا میں اب یہ ہنر اختیار کرنا ھے
وہ سچ کہے نہ کہے اعتبار کرنا ھے

یہ تجھ کو جاگتے رھنے کا شوق کب سے ھوا
مجھے تو خیر ترا انتظار کرنا ھے

وہ مسکرا کے وسوسوں میں‌ڈال گیا
خیال تھا کہ اسے شرمسار کرنا ھے

ترے فراق میں دن کس طرح کٹیں اپنے
کہ شغل شب تو ستارے شمار کرنا ھے

خدا خیر یہ کوئی ضد کہ شوق ھے محسن
خود اپنی جاں کے دشمن سے پیار کرنا ھے

Wafa Mein Ab Yeh Hunar Ikhtayaar Karna Hai
Woh Sach Kahay Na Kahay Aitbaar Karna Hai

Yeh Tujh Ko Jagtay Rehnay Ka Shouq Kab Se Huwa?
Mujhay Tow Khair Tera Intezaar Karna Hai

Hawa Ki Zad Mein Jalanay Hein Ansouon K Chiraagh
Kabhie Yeh Jashan Sir E Raahguzaar Karna Hai

Woh Muskura K Naye Waswason Mein Daal Geya
Khiyaal Tha K Ussay Sharmsaar Karna Hai

Chalo Yeh Ashk Hi Mooti Samajh K Baich Ayen
Kisi Tarah Tow Humein Roozgaar Karna Hai

Khuda Khabar Yeh Koi Zid K Shouq Hai Mohsin
Khud Apni Jaan K Dushman Se Piyaar Karna hai

DIL-e-SoKHTA Kbhi bol bhi

دلِ سوختہ
کبھی بول بھی
جو اسیر کہتے تھے خود کو تیری اداؤں کے وہ کہاں گئے
جو سفیر تھے تیر ی چاہتوں کی فضاؤں کے وہ کہاں گئے
وہ جو مُبتلائے سفر تھے تیرے خیال میں
وہ جو دعویدار تھے عمر بھی کی وفاؤں کے وہ کہاں گئے
کبھی کوئی راز تو کھول بھی
کبھی بول بھی
دلِ نا خدا
کبھی بول بھی
جو تیرے سفینۂ دار و غم کے سوار تھے
جو تیرے وظیفہ ء چشمِ نم پہ نثار تھے
وہ جو ساحلوں پہ اُ تر گئے تو پھر اُس کے بعد پلٹ کے آئے کبھی نہیں
تیری لہر لہر پہ جن کے نقش و نگار تھے
کسی دن ترازوئے وقت پر
اُنہیں تول بھی
کبھی بول بھی
وہ جو تیرے نغمۂ زیرو بم کے امین تھے
جو تیرے طفیل بلندیوں کے مکین تھے
و ہ جو معترف تھے تری نگاہِ نیاز کے
تمھیں جن پہ سو سو یقین تھے
وہ چکا گئے تیرا مول بھی
کبھی بول بھی
کبھی بول بھی، دلِ سوختہ، دلِ نا خدا، دلِ بے نوا، کبھی بول بھی

"DIL-e-SoKHTA"Kbhi bol bhi,

Jo Aseer kehty thy khud ko teri Adaon k,
Wo kahan gay ?
Wo jo Mubtila thy teri Chahton ki Fizaon k,
Wo kahan gay,?
Wo jo Dawedar thy Umr bhr ki Wafaon k,
Wo kahan gay ?
Kbhi koi Raaz to Khhol b,Kbhi Bol bhi,,
Jo tery Safeena-e-Daar-o-Gham k Sawar thy,
Jo tery Wazeifa-e-Chashm-e-Num py Nisar thy,
Wo jo Sahilon py Utar gay,
tu na Pallut k aaye phr kbhi,
Teri Lehr Lehr py jin k Naqsh-o-Nigaar thy,
Kisi din Tarazu-e-Waqt pr,
Inhein Tol bhi,
Kbhi bol bhi,,
Wo jo tery Naghma-e-Zer-o-Baam k Ameen thy,
Jo tery Tufail Bulandiyon k Makeen thy,
Wo jo Mo tarif thy teri Nigaah-e-Niaz k,
Tmhein jin py so so Yaqeen thy,
Wo chuka gay tera Mol b,
Kbhi bol bhi,,
Dil-E-Sokhta,
Kbi Bol bhi,
Kbhi Bol bhi...

Moorakh

پہلے اس نے شربت جیسی آنکھوں سے مخمور کیا
پھر آنکھوں میں پانی بھر کر۔ ۔ ۔ ۔ ۔
 اور بھی چکنا چور کیا
دل کو تھاما ۔ ۔ ۔ ۔ ۔ ۔ ۔
۔ ۔ ۔ ۔ ۔ ۔ آھ بھری
اور رونے پر مجبور کیا

کیسے کیسے دانے پھینکے
من کا پنچھی گھیر لیا
دروازے میں پلو اٹکا۔ ۔ ۔ ۔ ۔
جوتی ٹوٹی ، سانس اُڑی
کمر پے چٹیا نے گھبرا کے بل کھایا
ہاتھ کا پنکھا ۔ ۔  ۔ ۔ ۔
کان کی بالی میں اٹکا
۔ ۔ ۔ ۔ ۔ ۔ ۔اور چھوٹ گیا

اس نے مڑکر ہنس کے دیکھا
کن انکھیوں میں شربت کھنکا
پھر مورکھ نے۔ ۔ ۔ ۔ ۔ سارا قصہ۔۔ ۔  ۔
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔۔ ۔ ۔۔
۔ ۔ ۔ ۔ ۔ ۔ ۔ بستی میں مشہور کیا۔ ۔ ۔ ۔

 

 

 

 pehlay us ne sharbat saisi aankhon se makhmoor kiya
phir aankhon mian pani bhar kar . . . . . . .
aor bhi chiknachoor kiya
dil ko thama . . . . . . . .
. . . . . . . .aah bhari
aor ronay par majboor kiya

kaisay kaisay dany phainke
man ka panchi ghair liya
darwazay main palloo atka . . . . . . .
jooti tooti, sans uri
kamar pe chutya ne ghabra ke bal khaya
haath ka pankha . . . . . .
kan ki bali main atka,
. . . . . . . .aor toot gaya

us nay mur kar hans kar dekha
kan-ankhiyon main sharbat khanka
aor moorakh nay . . . . sara qisa. . . . . .
. . . . . . . . . . . . . . . . . . . . . . . . . . . . . . .
 . . . . .basti main mash-hoor kiya . . . . .

jab kaanch uthany par jayen

جب کانچ اٹھانے پڑ جائیں
تم ہاتھ ہمارا لے جانا
جب خود کو تنہا پائو تو
تم ساتھ ہمارا لے جانا
جب سمجھو جیت مقدر ہے
اور رستے ہیں دشوار بہت
نہ چاہتے بھی تم کہہ دینا
بے باک سہارا لے جانا
جو بازی اب جیتو گے
جو منزل اب تم پائو گے
پھر چاہو تو یہ کہہ دینا
کہ منزل تھی مقصود مجھے
کب ساتھ ہمارا چھوٹا ہے
ایک مسکراہٹ دے جانا
تم جان ہماری لے جانا
جب کانچ اٹھانے پڑ جائیں
تم ہاتھ ہمارا لے جانا

jab kaanch uthany par jayen
tum hath hamara le jana

jb smjho k koi sath nahin
tum sath hamara le jana

jb dekho k tum tanha ho
aur raasty hn dushwar boht

tab hum ko apna keh dena
bay baak sahara le jana

jo bazi b tum jeeto ge
jo manzil b tum pao ge

hum pas tumhary hon na hon
ehsas hamara le jana

agar yaad hamari a jaye
tum pas hamary a jana

bs ik muskan hamain de dena
phr jaan b chahy le jana

Chehray Parta, Ankhain Likhta Rehta Hoon,

چہرے پڑھتا، آنکھیں لکھتا رہتا ہوں
میں بھی کیسی باتیں لکھتا رہتا ہوں؟

مجھ کو خط لکھنے کے تیور بھول گئے
آڑی ترچھی سطریں لکھتا رہتا ہوں

تیرے ہجر میں اور مجھے کیا کرنا ہے ؟
تیرے نام کتابیں لکھتا رہتا ہوں

تیری زلف کے سائے دھیان میں رہتے ہیں
میں صبحوں کی شامیں لکھتا رہتا ہوں

اپنے پیار کی پھول مہکتی راہوں میں
لوگوں کی دیواریں لکھتا رہتا ہوں

تجھ سے مل کر سارے دکھ دہراؤں گا
ہجر کی ساری باتیں لکھتا رہتا ہوں

سوکھے پھول، کتابیں، زخم جدائی کے
تیری سب سوغاتیں لکھتا رہتا ہوں

اس کی بھیگی پلکیں ہستی رہتی ہیں
محسن جب تک غزلیں لکھتا رہتا ہوں

Chehray Parta, Ankhain Likhta Rehta Hoon,
Main Bhi Yeh Kaisi Batain Likhta Rehta Hoon?

Mujh Ko Khat Likhnay K Taiwar Bhool Gaye,
Aarri Tirchi Sattrain Likhta Rehta Hoon,

Teray Hijar Mein Aur Mujay Kya Karna Hai,
Teray Naam Kitabain Likhta Rehta Hoon

Teri Zulf K Saaye Daihaan Mein Rehtay Hain,
Main Subho Ko Shaamein Likhta Rehta Hoon,

Apnay Pyar Ki Phool Mehakti Rahoon Mein,
Logo Ki Deewarain Likhta Rehta Hoon,

Tujh Se Mil Kar Saray Dukh Duhraoon Ga,
Main Hijar Ki Sari Batain Likhta Rehta Hoon,

Sookhay Phool, Kitabain, Zakham Judai K,
Teri Sabb Soghatain Likhta Rehta Hoon,

Us Ki Bheegi Palkain Hansti Rehti Hain,
Mohsin Jab Tak Ghazlain Likhta Rehta Hoon…!

Tere IsHQ ne Bakhshi Hai

تیرے عشق نے بخشی ہے یہ سوغات مُسلسل
تیرا زکر ہمیشہ تیری بات مُسلسل

اک مُدت ہوئی تیرے بام و در سے نکلے
رہتی ہے پھر بھی تجھ سے مُلاقات مُسلسل

دل لگی دل کی لگی بن جاتی ہےجب
تصور میں گُزرتی ہے رات مُسلسل

جب سے دیکھا زلف پریشاں کا عالم
الجھے ہوے رہتے ہیں میرے دن رات مسلسل

میں محبت میں اُس مقام پہ ہوں جہاں
میری ذات میں رہتی ہے تیری ذات مُسلسل

Tere IsHQ ne Bakhshi Hai Ye Soghat Musalsal,
Tera zikar Hamesha Teri Baat Musalsal,

Ek Muddat Hoi Tere Baam O dar se Nikle,
Rehti Hai phir B Tujh se Mulaqat Musalsal,

DiL Lagi, DiL ki Lagi Ban jati Hai,
jab Tasawwur Main Guzarti Hai Raat Musalsal,

jab saY dekha zulf e preshan ka Aalam,
UljhaY Howe Rehte Hain Mere Din Raat Musalsal,

Main Muhabbat Main Us Mqaam pe pohncha Hon jahan,
Meri zaat Main Rehti Hai teri zaat Musalsal..

Din Ko Masmaar Howe

دن کو مسمار ھوئے ، رات کو تعمیر ھوئے
خواب ھی خواب فقط ، روح کی جاگیر ھوئے

عمر بھر لکھتے رھے ، پھر بھی ورق ساده رھا
جانے کیا لفظ تھے ، جو ھم سے نا تحریر ھوئے

یہ الگ دکھ ھے کے ، هاں تیرے دکھوں سے آزاد
یہ الگ قید ھے ھم ، کیوں نا زنجیر ھوئے

دیده و دل میں تیرے ، عکس کی تشکیل سے ھم
دھول سے پھول ھوئے ، رنگ سے تصویر ھوئے

کچھ نهیں یاد گزشتۂ شب کی محفل میں فراز
هم جدا کس سے ھوئے ، کس سے بغل گیر ھوئے

Din Ko Masmaar Howe, Raat Ko Taamir Howe
Khwaab Hi Khwaab Faqat, Rooh Ki Jaagir Howe

Umr Bhar Likhtey Rahe, Phir Bhi Warq Saada Raha
Jaane Kia Lafz The, Jo Hum Se Na Tehreer Howe

Yeh Alag Dukh Hai Ke, Han Tere Dukhon Se Azad
Yeh Alag Qaid Hai Hum, Kiun Na Zanjeer Howe

Deeda o Dil Mei Tere, Aks Ki Tashkeel Se Hum
Dhool Se Phool Howe, Rang Se Tasvir Howe

Kuch Nahi Yaad Guzishta Shab Ki Mehfil Mei Faraz
Hum Juda Kis Se Howe, Kis Se Baghal Gir Howe

Ishq ke mar badi dardili

عشق کی مار بڑی دردیلی عشق میں جی نہ پھنسانا جی
سب کچھ کرنا، عشق نہ کرنا، عشق سے جان بچانا جی

وقت نہ دیکھے، عمر نہ دیکھے، جب چاہے مجبور کرے
موت اور عشق کے آگے تو کوئی چلے نہ بہانہ جی

عشق کی ٹھوکر موت کی ہچکی دونوں کا ہے ایک اثر
ایک کرے گھر گھر رسوا، ایک کرے افسانہ جی

عشق کی نعمت پھر بھی یارو! ہر نعمت پر بھاری ہے
عشق کی ٹیسیں دیں خدا کی، عشق سے کیا گھبرانا جی

عشق کی نظروں میں یکساں، کعبہ کیا، بت خانہ کیا
عشق میں دنیا، عقبہ کیا ہے، کیا اپنا، بیگانہ جی

راہ تکے ہیں پی کے نگر کی، آگ پہ چل کر جانا ہے
عشق ہے سیڑھی پی کے نگر کی جو چاہو تو نبھانا جی

طرزؔ! بہت دن جھیل چکے تم دنیا کی زنجیروں کو
توڑ کے پنجرہ اب تو تمہیں ہے دیس پیا کے جانا جی

 

 

 

Ishq ke mar badi dardili ishq mein jee na phansana jee
sab kuch karana ishq na karana ishq se jan bachana jee

waqt na dekhe umar na dekhe jab chahe majabur kare
maut aur ishq ke aage to koi chale na bahana jee

ishq ke thokar maut ke hichaki donon ka hai ek asar
ek kare ghar ghar ruswai ek kare afsana jee

ishq ke nemat phir bhi yaro har nemat par bhari hai
ishq ke tisen den khuda ke ishq se kya ghabarana jee

ishq ke nazron mein yaksan kaba kya butkhana kya
ishq mein duniya uqba kya hai kya apana begana jee

rah kathin hai pi ke nagar ke aag pe chal ke jana hai
ishq hai sidhi pi ke milan ke jo chaho to nibhana jee

‘tarz’ bahut din jhel chuke tum duniya ke zanjiron ko
tod ke pinjara ab to tumhen hai des piya ke jana jee

Koi Dhun Ho, Main Tere Geet Gaaye Jaaon

 

کوئی دھُن ہو میں ترے گیت ہی گائے جاؤں
درد سینے میں اٹھے شور مچائے جاؤں

خواب بن کر تُو برستا رہے شبنم شبنم
اور بس میں اسی موسم میں نہائے جاؤں

تیرے ہی رنگ اُترتے چلے جائیں مجھ میں
خود کو لکھوں تری تصویر بنائے جاؤں

جس کو ملنا نہیں پھر اس سے محبّت کیسی
سوچتا جاؤں مگر دل میں بسائے جاؤں

تُو اب اس کی ہوئی جس پہ مجھے پیار آتا ہے
زندگی آ تجھے سینے سے لگائے جاؤں

یہی چہرے مرے ہونے کی گواہی دیں گے
ہر نئے حرف میں جاں اپنی سمائے جاؤں

جان تو چیز ہے کیا رشتۂ جاں سے آگے
کوئی آواز دیئے جائے میں آئے جاؤں

شاید اس راہ پہ کچھ اور بھی راہی آئیں
دھوپ میں چلتا رہوں سائے بچھائے جاؤں

اہل ِ دل ہوں گے تو سمجھیں گے سخن کو میرے
بزم میں آ ہی گیا ہوں تو سنائے جاؤں

Koi Dhun Ho, Main Tere Geet Gaaye Jaaon
Dard Seene Mein Uthe Shor Machaye Jaaon,

Khawab Ban Kar Tu Barasta Rahe Shbnam Shabnam
Aur Bas Mein isi Mosam Mein Nahaaye Jaaon,

Tere Rang Utarte Chale Jaayen Mujh Mein
Khud Ko Likhon Teri Tasveer Baanye Jaaon,

Jis Ko Milna Nahi Pher Is Se Muhabat Kaisi
Sochta Jaaon Magar Dil Mein Basaaye Jaaon,

Tu Ab Is Ki Jis Par Mujhe Piyar Aata Hai
Zindgi Aa Tujhe Seene Se Lagaaye Jaaon,

Yehi Chehre Mere Hone Ki gawahi Denge
Har Naye Harf Mein Jaan Apni Samaaye Jaaon,

Jaan To Cheez Hai Kiya Rishta-e_Jaan Se Aage
Koi Awaaz Diye Jaaye Aur Main Aaye Jaaon,

Shayad Is Raah Pe Kuch Aur Bhi Rahi Hain
Dhoop Mein Chalta Rahoon Saaye Bechaaye Jaaon,

Ehl-e-Dil Honge To Samjhenge Sukhan Ko Mere
Bazm Mein Aa Hi Giya Hoon To Sunaaye Jaaon.

Lutf woh ishq mein paye hain

لطف وہ عشق میں پائے ہیں کہ جی جانتا ہے
رنج بھی ایسے اٹھائے ہیں کہ جی جانتا ہے

جو زمانے کے ستم ہیں ، وہ زمانہ جانے
تو نے دل اتنے ستائے ہیں کہ جی جانتا ہے

مسکراتے ہوئے وہ مجمعِ اغیار کے ساتھ
آج یوں بزم میں آئے ہیں کہ جی جانتا ہے

انہی قدموں نے تمھارے انہی قدموں کی قسم
خاک میں اتنے ملائے ہیں کہ جی جانتا ہے

تم نہیں جانتے اب تک یہ تمہارے انداز
وہ مرے دل میں سمائے ہیں کہ جی جانتا ہے

سادگی، بانکپن، اغماض، شرارت، شوخی
تو نے انداز وہ پائے ہیں کہ جی جانتا ہے

دوستی میں تری درپردہ ہمارے دشمن
اس قدر اپنے پرائے ہیں کہ جی جانتا ہے

داغِ وارفتہ کو ہم آج ترے کوچے سے
اس طرح کھینچ کے لائے ہیں کہ جی جانتا ہے

Lutf woh ishq mein paye hain ke jee janta hai
Ranj bhi aisay uthaye hain ke jee janta hai...

Jo zamane ke sitam hai woh zamana jane
Tu ne dil itne dukhaaye hain ke jee janta hai...

Muskurate hoe woh majmaa agiyar ke saath
Aaj youn bazm mein aaye hai hain ke jee janta hai...

Inhi qadmoN ne tumhare inhi qadmo ki qasam
Khaak mein itne milaye hain ke jee jaanta hai

Saadgi, bankpan, agmaaz, shararat, shokhi
Tu ne andaz woh paaye hain ke jee janta hai...

Kaaba-o-deer mein pathra gayi dono ankhein
Aisay jalwe nazar aaye hain ke jee janta hai...

Tum nahin jaante ab tak ye tumhare andaaz
Wo mere dil mein samaaye hain ke jee jaanta hai

Dosti mein teri, darparda hamare dushman
Is qadar apne paraye hain ke jee janta hai...

'Daag'-e-warafta ko hum aaj tere kooche se
Is tarah khainch ke laye hain ke jee janta hai

"WAFA" Is ko Nhi kehte,

وفا اس کو نہیں کہتے
وفا کچھ اور ہوتی ہے
محبت کرتے والوں کی
ادا کچھ اور ہوتی ہے
تمہیں دیکھا
تمہیں چاہا
تمہیں سے پیار کر بیٹھے
سنو پیار کرنے والو
محبت ایسے ہوتی ہے
اگرچہ غم کا مارا ھوں
مگر تم کو نہ بھولوں گا
کہ دیوانوں کے ہونٹوں پر
 دعا کچھ اور ہوتی ہے
تڑپ اٹھے گی یہ دنیا
اگر روے گا دل میرا
کہ دل سے جو نکلتی ہے
صدا کچھ اور ہوتی ہے

"WAFA" Is ko Nhi kehte,
"WAFA" Kuch or Hoti Hai,
"MOHABBAT" krne Walon Ki
"ADAA" kuch Aur Hoti Hai,
Tmhein "DEKHA"
Tumhein "CHAHA"
TUM Hi Se "PYAAR" Kar Bethay,
Suno PIYAR Krney Walo,
"MOHABBAT"
Aisi Hoti Hai,
Agarche "GHAM" ka Mara Hon,
Magar TUM ko Na Bhulon GA,
K " DEEWANO "k "HONTON" Par
 "DUAA" kch Aur Hoti Hai,
"TARAP" Uthey Gi Ye Dunia,
Agr Roye Ga Dil Mera,
K DIL Se Jo Niklti hai Wo
"SADA" Kch or Hoti hai.

kabhi yaad aao to is tarah

کبھی یاد آؤ تو اس طرح
کہ لہو کی ساری تمازتیں
تمہیں دھوپ دھوپ سمیٹ لیں
تمہں رنگ رنگ نکھار دیں
تمہیں حرف حرف میں سوچ لیں
تمہیں دیکھنے کا جو شوق ہو
تو دیارِ ہجر کی تیرگی کو
مژہ کی نوک سے نوچ لیں
کبھی یاد آؤ تو اس طرح
کہ دل و نظر میں اُتر سکو
کبھی حد سے حبسِ جنوں بڑ ہے
تو حواس بن کے بکھر سکو
کبھی کھِل سکو شبِ وصل میں
کبھی خونِ جگر میں سنور سکو
سرِ رہگزر جو ملو کبھی
نہ ٹھہر سکو نہ گزر سکو
مرا درد پھر سے غزل بنے
کبھی گنگناؤ تو اس طرح
مرے زخم پھر سے گلاب ہوں
کبھی مسکراؤ تو اس طرح
مری دھڑکنیں بھی لرز اٹھیں
کبھی چوٹ کھاؤ تو اس طرح
جو نہیں تو پھر بڑے شوق سے
سبھی رابطے سبھی ضابطے
کسی دھوپ چھاؤں میں توڑ دو
نہ شکستِ دل کا ستم سہو
نہ سنو کسی کا عذابِ جاں
نہ کسی سے اپنی خلش کہو
یونہی خوش پھرو، یونہی خوش رہو
نہ اُجڑ سکیں ، نہ سنور سکیں
کبھی دل دُکھاؤ تو اس طرح
نہ سمٹ سکیں ، نہ بکھر سکیں
کبھی بھول جاؤ تو اس طرح
کسی طور جاں سے گزر سکیں
کبھی یاد آؤ تو اس طرح!!
کبھی یاد آؤ تو اس طرح!!

kabhi yaad aao to is tarah
ke lahoo ki saree tamaazataiN
tumhaiN dhoop dhoop samaiT laiN
tumhaiN rang rang nikhar daiN
tumhaiN harf harf sooch laiN
tumhaiN dekhney ka jo shouq ho
to diyaar-e-hijar ki teergee !
ko_mijah ki nook se nooch laiN

kabhi yaad aao to is tarah
ke dil-o-nazar maiN utar sakoo
kabhi hud se habs-e-junooN bad.rhey
to havaas bun ke bikhar sakoo
kabhi khul sakoo shab-e-vasal maiN
kabhi Khoon-e-dil maiN sanvar sakoo
sar-e-rehguzar jo milo ..... kabhi
na Thehar sakoo.... na guzar sakoo

mira dard phir se Ghazal buney
kabhi gungunaoo ... to is tarah
mirey zaKhm phir se gulaab hooN
kabhi muskuraoo ..... to is tarah
miri Dhad.rkanaiN bhi laraz uThaiN
kabhi chauT khaoo ..... to is tarah

jo nahi to phir bad.rey shouq se
sabhi rabtey sabhi zaabtey
kabhi dhoop chaooN main tood.r do
na shikast-e-dil ka sitam sahoo
na sunoo kisi ka azaab-e-jaaN
yooNhi Khush phiroo, yooNhi Khush rahoo

na ujad.r sakaiN na sanvar sakaiN
kabhi dil dukhaoo .... to is tarah
na simaT sakaiN na bikhar sakaiN
kabhi bhool jao .... to is tarah
kisi taur jaaN se guzar sakaiN
kabhi yaad aoo .... to is tarah

Woh LarKi bhi Aik Ajeeb Paheli Thi

وہ لڑکی بھی ایک عجیب پہیلی تھی
پیاسے ہونٹ تھے آنکھ سمندر جیسی تھی

سورج اس کو دیکھ کر پیلا پرتا تھا
وہ سرما کی دھوپ میں دھل کر نکلی تھی

اسکو اپنے سائے سے ڈر لگتا تھا
سوچ کے صحرا میں وہ تنہا ہرنی تھی

آتے جاتے موسم اس کو ڈستے تھے
ہنستے ہنستے پلکوں سے رو پڑتی تھی

آدھی رات گنوا دیتی تھی چپ رہ کر
آدھی رات کو چاند سے باتیں کرتی تھی

دور سے اجڑے مندر جیسا گھر اس کا
وہ اپنے گھر میں اکلوتی دیوی تھی

موم سے نازک جسم سھر کو دکھتا تھا
دیئے جلا کر شب بھر آپ پگھلتی تھی

تیز ہوا کو روک کر اپنے آنچل پر
سوکھے پھول اکٹھے کرتی پھرتی تھی

سب ظاہر کر دیتی تھی بھید اپنا
سب سے ایک تصویر چھپائے رکھتی تھی

کل شب چکنا چور ہوا تھا دل اس کا
یا پھر پہلی بار وہ دل کھول کر روئی تھی

محسن کیا جانے دھوپ سے بے پروا
وہ اپنے گھر کی دہلیز پر بیٹھی تھی ؟

Woh LarKi bhi Aik Ajeeb Paheli Thi
PyassY Hont thY AanKh Samundar JaYsi thi

Sooraj UsKo DaiKh Ker Peela Perta Tha
Woh Sarma ki Dhoop mein Dhul Ker NiKli Thi

UsKo ApnY SaaYe Se Dar Lagta tha
Sooch K Sehra mein Woh Tanha Heerni thi

AatY JaatY Mausam UsKo DastY ThY
Hansti Hansti PalKoOn se Ro Perti thi

Aadhi Raat Ganwa deti Thi Chup Reh Ker
Aadhi Raat K Chaand se Baatein Kerti Thi

Dur Se UjraY Mandir JaYsa Ghar UsKa
Woh ApnY Ghar mein IklOti Devi thi

Maum Se NazuK Jism Seher Ko DuKhta Tha
DiYe Jala Ker Shab bhar Aap Pighalti thi

Taiz Hawa Ko RoK Ker ApnY Aanchal Per
SooKhY PhOol IkhatY Kerti Phirti Thi

Sub per Zahir ker deti thi Bhaid Apna
Sub Se Ik Tasveer ChupaYe RaKhti thi

Kal Shab ChaKna Chor Hua tha Dil UsKa
Ya Phir Pehli Baar Woh Khul Ker RoYi Thi

Moshin Kya JaanY KiOon DhOop se be'Parwah
Woh ApnY Ghar Ki Dehleez Per Bethi Thi...???

MOHABBAT OSS KI SURAT

محبت اوس کی صورت
پیاسی پنکھڑی کے ہونٹ کو سیراب کرتی ہے
گلوں کی آستینوں میں انوکھے رنگ بھرتی ہے
سحر کے جھٹپٹے میں گنگناتی، مسکراتی جگمگاتی ہے
محبت کے دنوں میں دشت بھی محسوس ہوتا ہے
کسی فردوس کی صورت
محبت اوس کی صورت

محبت ابر کی صورت
دلوں کی سر زمیں پہ گھر کے آتی ہے اور برستی ہے
چمن کا ذرہ زرہ جھومتا ہے مسکراتا ہے
ازل کی بے نمو مٹی میں سبزہ سر اُٹھاتا ہے
محبت اُن کو بھی آباد اور شاداب کرتی ہے
جو دل ہیں قبر کی صورت
محبت ابر کی صورت

محبت آگ کی صورت
بجھے سینوں میں جلتی ہے تودل بیدار ہوتے ہیں
محبت کی تپش میں کچھ عجب اسرار ہوتے ہیں
کہ جتنا یہ بھڑکتی ہے عروسِ جاں مہکتی ہے
دلوں کے ساحلوں پہ جمع ہوتی اور بکھرتی ہے
محبت جھاگ کی صورت
محبت آگ کی صورت

محبت خواب کی صورت
نگاہوں میں اُترتی ہے کسی مہتاب کی صورت
ستارے آرزو کے اس طرح سے جگمگاتے ہیں
کہ پہچانی نہیں جاتی دلِ بے تاب کی صورت
محبت کے شجر پرخواب کے پنچھی اُترتے ہیں
تو شاخیں جاگ اُٹھتی ہیں
تھکے ہارے ستارے جب زمیں سے بات کرتے ہیں
تو کب کی منتظر آنکھوں میں شمعیں جاگ اُٹھتی ہیں
محبت ان میں جلتی ہے چراغِ آب کی صورت
محبت خواب کی صورت

محبت درد کی صورت
گزشتہ موسموں کا استعارہ بن کے رہتی ہے
شبانِ ہجر میںروشن ستارہ بن کے رہتی ہے
منڈیروں پر چراغوں کی لوئیں جب تھرتھر اتی ہیں
نگر میں نا امیدی کی ہوئیں سنسناتی ہیں
گلی جب کوئی آہٹ کوئی سایہ نہیں رہتا
دکھے دل کے لئے جب کوئی دھوکا نہیں رہتا
غموں کے بوجھ سے جب ٹوٹنے لگتے ہیں شانے تو
یہ اُن پہ ہاتھ رکھتی ہے
کسی ہمدرد کی صورت
گزر جاتے ہیں سارے قافلے جب دل کی بستی سے
فضا میں تیرتی ہے دیر تک یہ
گرد کی صورت
محبت درد کی صورت

MOHABBAT OSS KI SURAT
Pyasi pankhari k hont ko sairaab karti hai
Gulon ki aastinoon main anokhay rang bharti hai
Sahar k jhatpatay main gungunati muskurati jagmagati hai
Mohabbat k dino main dashat bhi mehsoos hota hai
Kisi firdos ki surat.......................mohabbat oss ki surat

MOHABBAT ABAR KI SURAT
Dilon ki sarzamin pay ghir k aati aur barasti hai
Chaman ka zarrah zarrah jhoomta hay muskurata hai
Azal ki bay namoo'n matti main sabza sar uthata hai
Mohabat un ko bhi aabad aur shadaab karti hai
Jo dil hian qabar ki surat...................mohabbat abar ki surat

MOHABBAT AAG KI SURAT
Bhujay seeno'n main jalti hay ,tu dil baidaar hotay hain
Mohabbat ki tappish main kuch ajab israr hotay hain
Keh ..jitna yeh bharakti hai ,uroos-e-jan mehakti hai
Dilon k saahilon pay jamma hoti aur bikharti hai
Mohabbat jhaag ki surat..........mohabat aag ki surat

MOHABBAT KHAWAB KI SURAT
Nigahon main utarti hai kisi mahtaab ki surat
Sitaaray aarzu k is terhaan say jagmagatay hain
K pehchani nahi jati dil-e-baitaab ki surat
Mohabbat k shajar par khawab k panchi utartay hain
Tou shaakhain jaag uthti hain
Thakay haaray sitaray jab zamin say bat kartay hain
Tu kab ki muntizar aankhon main........shammain jaag uthti hain
Mohabbat in main jalti hay charagh-e-aab ki surat
Mohabbat aag ki surat.....mohabat khawab ki surat

MOHABBAT DARD KI SURAT
Guzishta mosamon ka ist'aaraah ban k rehti hai
Shabaan-e-hijar mein roshan sitarah ban k rehti hai
Mandairon par charaghon ki lo'yen jab thartharati hain
Nagar mein na umeedi ki hawayen sansanati hain
Gali main jab koi aahat koi saya nahi rehta
Dukhay dil k liye jab koi bhi dhoka nahi rehta
Ghamon k bojh say jab toutnay lagtay han shaanay tu
Yeh unn pay haath rakhti hay
Kisi hamdard ki surat
Guzar jatay hain saaray qaafilay jab dil ki basti say
Fizaa mein tairti hai dair tak......
Yeh gard ki surat..............mohabbat dard ki surat ........

Kaho To Lout Jatay Han

کہو تو لوٹ جاتے ہیں
ابھی تو بات لمحوں تک ہے
سالوں تک نہیں آئی
ابھی مسکانوں کی نوبت بھی نالوں تک نہیں آئی
ابھی تو بات لمحوں تک ہے
...سالوں تک نہیں آئی
ابھی مسکانوں کی نوبت بھی نالوں تک نہیں آئی
ابھی تو کوئی مجبوری خیالوں تک نہیں آئی
ابھی تو گرد پیروں تک ہے بالوں تک نہیں آئی

کہو تو لوٹ جاتے ہیں
چلو اک فیصلہ کرنے شجر کی اور جاتے ہیں
ابھی کاجل کی ڈوری سرخ گالوں تک نہیں آئی
زباں دانتوں تلک ہے زہر پیالوں تک نہیں آئی
ابھی تو مشک کستوری غزالوں تک نہیں آئی
ابھی روداد بے عنواں
ہمارے درمیاں ہے، دنیا والوں تک نہیں آئی

کہو تو لوٹ جاتے ہیں
ابھی نزدیک ہیں گھر اور منزل دور ہے اپنی
مبادا نار ہو جائے یہ ہستی نور ہے اپنی
کہو تو لوٹ جاتے ہیں
یہ رستہ پیار کا رستہ
رسن کا دار کا رستہ بہت دشوار ہے جاناں
...کہ اس رستے کا ہر ذرہ بھی اک کہسار ہے جاناں

کہو تو لوٹ جاتے ہیں
میرے بارے نہ کچھ سوچو، مجھے طے کرنا آتا ہے
رسن کا دار کا رستہ
یہ آسیبوں بھرا رستہ، یہ اندھی غار کا رستہ
تمہارا نرم و نازک ہاتھ ہو اگر میرے ہاتھوں میں
تو میں سمجھوں کہ جیسے دو جہاں ہیں میری مٹھی میں
تمہارا قرب ہو تو مشکلیں کافور ہو جائیں
یہ اندھے اور کالے راستے پر نور ہو جائیں
تمہارے گیسوئوں کی چھائوں مل جائے
تو سورج سے الجھنا بات ہی کیا ہے
اٹھا لو اپنا سایہ تو میری اوقات ہی کیا ہے
میرے بارے نہ کچھ سوچو
تم اپنی بات بتلائو
کہو تو چلتے رہتے ہیں
کہو تو لوٹ جاتے ہیں

Kaho To Laut Jate Hain    
Abhi To Baat Lamhon Tak He, Salon Tak Nahi Aai
Abhi Muskanon Ki Nobat Bhi Nalon Tak Nahi Aai
Abhi To Koi Majborri Khiyalon Tak Nahi Aai
Abhi To Gard Peron Tak He. Balon Tak Nahi Aai

Kaho To Laut Jate Hain

Chalo Ek Faisla Karne Shajar Ki Aut Jate Hain
Abhi Kajil Ki Dori Surkh Galon Tak Nahi Aai
Zuban Datoon Talak Hai Zehr Piyalon Tak Naheen Aai
Ibhi To Musk-E-Kustori Ghazaloon Tak Nahin Aai
Ibhi Rodad-E-Beunwan Humaray Darmian He, Duniyan Walloon Tak Nahin Aai

Kaho To Lout Jatan Han

Chalo Ik Faisala Karnay Sharjer Ki Out Jatan Han
Abhi Nazdeek Han Ghar Aur Manzil Door He Apni
Mubada Nar Ho Jayay Ye Hesti Noor Hai Apni

Kaho To Lout Jatay Han

Chalo Ik Fasala Karnay Shajar Ki Out Jatan Han.
Ye Rasta Piyar Ka Rasta,
Rasan Ka Dar Ka Rasta,
Bohat Dushwar He Jana
Keh Is Rastay Ka Her Zarra Bhi Ik Kohsar He Jana.

Kaho To Lout Jatay Han

Chalo Ik Fasala Karnay Shajar Ki Out Jatan Han.
Maray Baray Na Kuch Socho
Mujhay To Sath Tumharay Amer Hounay Ki Hasrat He
Mujhay Tay Karna Ata He Rasan Ka Dar Ka Rasta
Ye Asaboon Bhara Rasta
Ye Andhi Ghar Ka Rasta

Tumhary Gaisooun Ki Chaoon Mil Jayay To Suraj Se Ulajhna Bat He Kia He
Utha Lo Apna Saya To Meri Ouqat Hi Kia He
Tumhara Narm O Nazuk Hath Mere Hath Man Ho To Me Ye Samjho
Ke Jasay Do Jahan Ho Mari Muthi Me
Tumhara Kurb Ho To Mushkilan Kafoor Ho Jayain
Ye Undhay Ur Kalay Rastay Pur Noor Ho Jayain.
Mujhe Maloom He Itna Keh Dayem Zandagi Posheeda He In Char Kadmoon Me
Bohat Si Ra-Hatan Muzmir Han In Dushwar Rastoon Man
Meray Baray Na Kuch Socho
Tum Apni Bat Batlaoo

Kahoo To Chaltay Rahtay Han
Kahoo To Lout Jatay Han...!!!

Suna hai log usay

سنا ہے لوگ اُسے آنكھ بھر كے دیكھتے ہیں
تو اس کے شہر میں‌کچھ دن ٹھہر کے دیکھتے ہیں
سنا ہے ربط ہے اس کو خراب حالوں سے
سو اپنے آپ کو برباد کرکے دیکھتے ہیں
سنا ہے درد کی گاہک ہے چشمِ ناز اس کی
سو ہم بھی اس کی گلی سے گزر کے دیکھتے ہیں
سنا ہے اس کو بھی ہے شعر و شاعری سے شغف
تو ہم بھی معجزے اپنے ہنر کے دیکھتے ہیں
سنا ہے بولےتو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں
سنا ہے رات اسے چاند تکتا رہتا ہے
ستارے بام فلک سے اتر کے دیکھتے ہیں
نا ہے دن کو اسے تتلیاں ستاتی ہیں
سنا ہے رات کو جگنو ٹھہر کے دیکھتےہیں
سنا ہے حشر ہیں‌اس کی غزال سی آنکھیں
سنا ہے اس کو ہرن دشت بھر کے دیکھتے ہیں
سنا ہے رات سے بڑھ کر ہیں‌کاکلیں اس کی
سنا ہے شام کو سائے گزر کے دیکھتے ہیں
سنا ہے اس کی سیہ چشمگی قیامت ہے
سو اس کو سرمہ فروش آہ بھر کے دیکھتے ہیں
سنا ہےجب سے حمائل ہے اس کی گردن میں
مزاج اور ہی لعل و گوہر کے دیکھتے ہیں
سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں
سنا ہے اس کے لبوں سے گلاب جلتے ہیں
سو ہم بہار پہ الزام دھر کےدیکھتے ہیں
سنا ہے آئینہ تمثال ہے جبیں اس کی
جو سادہ دل ہیں‌اسے بن سنور کے دیکھتے ہیں
بس اک نگاہ سے لٹتا ہے قافلہ دل کا
سو راہ روانِ تمنا بھی ڈر کے دیکھتے ہیں
  وہ سرو قد ہے مگر بے گل مراد نہیں
کہ اس شجر پہ شگوفے ثمر کے دیکھتے ہیں
بس اك نگاہ سے لوٹا ہے قافلہ دل كا
سو رہ روان تمنا بھی ڈر كے دیكھتے ہیں
سنا ہے اس کے شبستاں سے متصل ہے بہشت
مکیں‌ ادھر کے بھی جلوے اِدھر کے دیکھتے ہیں
کسے نصیب کے بے پیرہن اسے دیکھے
کبھی کبھی درودیوار گھر کے دیکھتے ہیں
رکے تو گردشیں اس کا طواف کرتی ہیں
چلے تو اس کو زمانے ٹھہر کے دیکھتے ہیں
کہانیاں ہی سہی ، سب مبالغے ہی سہی
اگر وہ خواب ہے تعبیر کرکے دیکھتے ہیں
اب اس کے شہر میں‌ٹھہریں کہ کوچ کر جائیں
فراز آؤ ستارے سفر کے دیکھتے ہیں

    Suna hai log usay aankh bhar ke dekhte hain
    So us ke shahar main kuchh din thehr ke dekhte hain
    Suna hai rabt hai us ko kharab halon se
    So apne aap ko barbad kar ke dekhte hain
    Suna hai dard ki gahak hain chashm-e nazuk us ki
    So ham bhi us ki gali se guzar ke dekhte hain
    Suna hai us ko bhi hai sher-o shayari se shagaf
    So ham bhi mojazay apnay hunar ke dekhte hain
    Suna hai bole to baton se phool jharrtay hain
    Ye baat hai to chalo baat kar ke dekhte hain
    Suna hai raat use chand takta rehta hai
    Sitaray baam-e falak se utar kar dekhtay hain
    Suna hai hashr hain us ki ghazaal si aankhain
    Suna hai us ko hiran dasht bhar ke dekhte hain
    Suna hai din ko usay titliyan satati hain
    Suna hai raat ko jugno thahar ke dekhte hain
    Suna hai rat se barh kar hain kakulan us ki
    Suna hai sham ko saye guzar ke dekhte hain
    Suna hai us ki siyah chashmagi qiyamat hai
    So us ko surma farosh aankh bhar ke dekhte hain
    Suna hai us ke labon se gulab jalate hain
    So ham bahar par ilzaam dhar ke dekhte hain
    Suna hai aaina tamasal hai jabin us ka
    Jo sada dill hain ban sanvar ke dekhte hain
    Suna hai jab se hamail hain us ki gardan main
    Mizaj aur hi lal-o gauhar ke dekhte hain
    Suna hai chashm-e tasavur se dasht-e imkan main
    Palang zawaiya us ki kamar ke dekhte hain
    Suna hai us ke badan ke tarash aisay hain
    Ke phuul apani qabayain qatar ke dekhte hain
    Woh sarvqad hai magar begul-e muraad nahin
    Ke us shajar pe shagufay samar ke dekhte hain
    Bas ek nigah se lutata hai qafila dil ka
    So rahravaan-e tamannaa bhi dar ke dekhte hain
    Suna hai us ke shabistan se mutasil hai behisht
    Makin udhar ke bhi jalway idhar ke dekhte hain
    Rukay tu gardishain us ka tawaf karti hain
    Chalay to us ko zamanay theher ke dekhte hain
    Kisay naseeb ke be parahan usay dekhay
    Kabhi kabhi dar-o divaar ghar ke dekhte hain
    Kahaniyan hi sahi sab mubalaghay hi sahi
    Agar woh khawb hai tabeer kar ke dekhte hain
    Ab us ke sheher main thehrain ke kooch kar jayan
    Faraz aao sitaray safar ke dekhte hain

hum ne sapna dekha hai

کل ہم نے سپنا دیکھا ہے
جو اپنا ہو نہیں سکتا ہے
اس شخص کو اپنا دیکھا ہے

وہ شخص کہ جس کی خاطر ہم
اس دیس پھریں، اس دیس پھریں
جوگی کا بنا کر بھیس پھریں
چاہت کے نرالے گیت لکھیں
جی موہنے والے گیت لکھیں
دھرتی کے مہکتے باغوں سے
کلیوں کی جھولی بھر لائیں
امبر کے سجیلے منڈل سے
تاروں کی ڈولی بھر لائیں

ہاں کس کے لیے، سب اس کے لیے
وہ جس کے لب پر ٹیسو ہیں
وہ جس کے نیناں آہو ہیں
جو خار بھی ہے اور خوشبو بھی
جو درد بھی ہے اور دارو بھی
وہ الھڑ سی، وہ چنچل سی
وہ شاعر سی، وہ پاگل سی
لوگ آپ ہی آپ سمجھ جائیں
ہم نام نہ اس کا بتلائیں

اے دیکھنے والو تم نے بھی
اس نار کی پیت کی آنچوں میں
اس دل کا تپنا دیکھا ہے؟
کل ہم نے سپنا دیکھا ہے

kal hum ne sapna dekha hai
jo shakhs apna ho nahi sakta
us shakhs ko apna dekha hai

wo shakhs k jis ki khatir hum
 is des phirain us des phirain
jogi ka bana kar bhais phirain
chahat k nirale geet likhain
ji mohne wale geet likhain
dharti k mehakte baghon se
kalion ki jholi bhar laain
ambar k sajeele mandal se
taron ki doli bhar laain

haan kis k liye sab us k liye
wo jis k lab par teso hain
wo jis k naina aaho hain
jo khaar bhi hai or khushboo bhi
jo dard bhi hai or daroo bhi
wo alhar si wo chanchal si
wo sha-er si wo pagal si
log aap hi aap samajh jayen
hum naam na us ka batlayen

ay dekhne walo tum ne bhi
us naar ki peet ki anchon main
is dil ka tapna dekha hai
kal hum ne sapna dekha hai

khawb sare

خواب سارے،
خیال سارے،
حقیقتوں کا لبادہ اوڑھے،
تمھاری ہستی سنوار جائیں

یہ چاند سورج،
یہ سارے تارے،
چراغ جتنے بھی جل رہے ہیں،
تمھارے چہرے کے رنگ دیکھیں تو ہار جائیں

یہ بہتی ندیا،
یہ چڑھتے دریا،
یہ گہرا ساگر،
یہ جھیل جھرنے،
یہ آبشاریں،
یہ اپنا جیون تمھاری آنکھوں پہ وار جائیں

یہ رنگ ، خوشبو
گلاب سارے،
محبتوں کے نصاب سارے،
سبھی تمھاری بلائیں لے لیں،
نظر تمھاری اتار جائیں۔ 

khawb sare
khayal sare
hiqiqaton ka libada orhe
tumhari hasti sanwaar jayen

ye chand soraj
ye sare taare
charag jitne bhi jal rahe hain
tumhare chehre k rang dekhain to haar jayen

ye behti nadya
ye charhte darya
ye gehra sagar
ye jheel jharne
ye absharain
ye apna jeewan tumhari aankhon pe waar jayen

ye rang khushboo
gulaab sare
muhabbaton k nasaab sare
sabhi tumhari balayen le lain
nazar tumhari utaar jayen

hum hain tere pyaar pe raqsaan

ہم ہیں تیرے پیار پہ رقصاں

کون بھلا پھر یوں ناچے گا
جیسے ہم تلوار پہ رقصاں

گھنگھرو اپنی مجبوری ہیں
ہم ہیں حکم یار پہ رقصاں

گو کہ اس نے زخم دیے ہیں
پھر بھی ہم اس دھار پہ رقصاں

یارو پھول ملے یا کانٹے
ہم ہیں دل گلزار پہ رقصاں

جیت سے مطلب کس پاگل کو
ہم ہیں اپنی ہار پہ رقصاں

اب بھی دیکھو چاند کو یارو
ہے ان کی دیوار پہ رقصاں

آبلہ پا ہے زعیم گو کہ
پھر بھی نوک خار پہ رقصاں

 hum hain tere pyaar pe raqsaan

kaon bhala yoon nache ga
jese hum talwar pe rasaan

ghungro apni majboori hai
hum hain hukm e yaar pe raqsaan

go k is ne zakhm diye hain
phir bhi hum is dhaar pe raqsaan

yaaro phool milain ya kante
hum hain dil gulzaar pe raqsaan

jeet hai matloob kis pagal ko
hum hain apni haar pe raqsaan

ab bhi dekho chand ko yaaro
 hai un ki deewar pe raqsan

aabla pa hai zaeem go k
phir bhi nok e khaar pe raqsaan

wohi qisse hain wohi baat purani apni

وہی قصے ہیں وہی بات پرانی اپنی
کون سنتا ہے بھلا رام کہانی اپنی

ہر ستمگر کو یہ ہمدرد سمجھ لیتی ہے
کتنی خوش فہم ہے کمبخت جوانی اپنی

روز ملتے ہیں دریچے میں نئے پھول کھلے
چھوڑ جاتا ہے کوئی روز نشانی اپنی

تجھ سے بچھڑے ہیں تو پایا ہے بیاباں کا سکوت
ورنہ دریاؤں سے ملتی تھی روانی اپنی

قحطِ پندار کا موسم ہے سنہرے لوگو

کچھ تیز کرو اب کے گرانی اپنی

دشمنوں سے ہی اب غمِ دل کا مداوا مانگیں
دوستوں نے تو کوئی بات نہ مانی اپنی

آج پھر چاند افق پر نہیں ابھرا محسن
آج پھر رات نہ گزرے گی سہانی اپنی

 wohi qisse hain wohi baat purani apni
kaon sunta hai bhala raam kahani apni

har sitamgar ko ye hamdard samajh leti hai
kitni khush fehm hai kambakht jawani apni

ros milte hain dareeche main naye phool khile
chor jata hai koi roz nishani apni

tujh se bichre hain to paya hai bayaban ka sakoot
warna daryaaon se milti thi rawani apni

qeht-e-pindaar ka maosam hai sunehre logo
kuch taiz karo ab k girani apni

dushmanoo se hi ab gham-e-dil ka madawa mangen
dostoon ne to koi baat na mani apni

AAj phir chand ufaq par nahi ubhra mohsin
aaj phir raat na guzre gi suhani apni

Wo Bazahir Jo

وہ بظاہر جو زمانے سے خفا لگتا ہے
ہنس کے بولے بھی تو دنیا سے جدا لگتا ہے

اور کچھ دیر نہ بجھنے دے رب سحر

ڈوبتا چاند میرا دست دعا لگتا ہے

اب کے ساون میں بھی زردی نہ گیی چہروں کی
ایسے موسم میں تو جنگل بھی ہرا لگتا ہے

شہر کی بھیڑ میں کھلتے ہیں کہاں اس کے نقوش
آو تنہای ہیں سوچیں کہ وہ کیا لگتا ہے

منہ چھپاے ہوے گزرا ہے جو احباب سے آج
اس کی آنکھوں میں کوی زخم نیا لگتا ہے

اب تو محسن کے تصور میں اتر رب جلیل
اس اداسی میں تو پتھر بھی خدا لگتا ہے

Wo Bazahir Jo Zamaney Se Khafa Lagta Hai.
 Hans K Bolay Bhi To Duniya Se Juda Lagta Hay.

Aur Kuch Dair Na Bujhne De Isay Rab-e-Saher.
 Doobta Chand Mera Dast-e-Dua Lagta Hai.
 ...
 Jis Se Munh Phair K Rastey Ki Hawa Guzri Hai!
 Kisi Ujray Hue Aangan Ka Diya Lagta Hai.

Ab K Sawan Mein Bhi Zardi Na Gayi Chehroon Ki.
 Aise Mausam Mein To Jungle Bhi Hara Lagta Hai.

Shaher Ki Bheer Mein Khultey Hein Kahan Us K Naqoosh.
 Aao Tanhai Mein Sochein K Woh Kia Lagta Hai.

Munh Chupaye Hue Guzra Hai Jo Ehbaab Se Aaj.
 Uski Aankhon Mein Koi Zakhm Naya Lagta Hai.

Ab To Mohsin K Tassawar Mein Utar Rab-e-Jaleel.
 Is Udasi Mein To Pathar Bhi Khuda Lagta Hai.

chehre pe mere zulf ko phelao kisi din

چہرے پہ مرے زُلف کو پھیلاؤ کسی دن
کیا روز گرجتے ہو برس جاؤ کسی دن

رازوں کی طرح اُترو مرے دل میں کسی شب
دستک پہ مرے ہاتھ کی کُھل جاؤ کسی دن

پیڑوں کی طرح حسن کی بارش میں نہا لوں
بادل کی طرح جھوم کے گھر آؤ کسی دن

خُوشبو کی طرح گزرو مرے دل کی گلی سے
پھولوں کی طرح مجھ پہ بکھر جاؤ کسی دن

پھر ہاتھ کوخیرات ملے بند ِقبا کی
پھر لُطفِ شبِ وصل کو دوہراؤ کسی دن

گزریں جو مرے گھر سے تو رُک جائیں ستارے
اس طرح مری رات کو چمکاؤ کسی دن

میں اپنی ہر اک سانس اُسی رات کو دے دوں
سر رکھ کے مرے سینے پہ سو جاؤ کسی دن

chehre pe mere zulf ko phelao kisi din
kyaa roz garajte ho baras jao kisi din

razon ki tarha utro mere dil main kisi shab
dastak pe mere haath ki khul jao kisi din

peron ki tarha husn ki barish main naha loon
badal ki tarha jhom k ghir aao kisi din

khushbo ki tarha guzro mere dil ki gali se
pholon ki tarha mujh pe bikar jao kisi din

phir haath ko khairat mile band quba ki
phir lutf-e-shab-e-wasl ko duhrao kisi din

guzrain jo mere ghar se to ruk jain sitare
is tarha meri raat ko mehkao kisi din

main apni har ik sans usi raat ko de don
sar rakh k mere seene pe so jao kisi din

ye batain jhooti batain hain

یہ باتیں جھوٹی باتیں ہیں، یہ لوگوں نے پھیلائی ہیں
تم انشاجی کا نام نہ لو، کیا انشا جی سودائی ہیں؟

ہیں لاکھوں روگ زمانے میں، کیوں عشق ہے رسوا بیچارا
ہیں اور بھی وجہیں وحشت کی، انسان کو رکھتیں دکھیارا
ہاں بے کل بے کل رہتا ہے، ہو پیت میں جس نے جی ہارا
پر شام سے لے کر صبح تلک یوں کون پھرے گا آوارہ؟
یہ باتیں جھوٹی باتیں ہیں، یہ لوگوں نے پھیلائی ہیں
تم انشاجی کا نام نہ لو، کیا انشا جی سودائی ہیں؟

یہ بات عجیب سناتے ہو، وہ دنیا سے بے آس ہوئے
اک نام سنا اور غش کھایا، اک ذکر پہ آپ اُداس ہوئے
وہ علم میں افلاطون سنے، وہ شعر میں تلسی داس ہوئے
وہ تیس برس کے ہوتے ہیں، وہ بی اے، ایم اے پاس ہوئے
یہ باتیں جھوٹی باتیں ہیں، یہ لوگوں نے پھیلائی ہیں
تم انشاجی کا نام نہ لو، کیا انشا جی سودائی ہیں؟

گر عشق کیا ہے تب کیا ہے، کیوں شاد نہیں آباد نہیں
جو جان لیے بن ٹل نہ سکے، یہ ایسی بھی اُفتاد نہیں
یہ بات تو تم بھی مانو گے، وہ قیس نہیں فرہاد نہیں
کیا ہجر کا دارو مشکل ہے؟ کیا وصل کے نسخے یاد نہیں؟
یہ باتیں جھوٹی باتیں ہیں، یہ لوگوں نے پھیلائی ہیں
تم انشاجی کا نام نہ لو، کیا انشا جی سودائی ہیں؟

وہ لڑکی اچھی لڑکی ہے، تم نام نہ لو ہم جان گئے
وہ جس کے لانبے گیسو ہیں، پہچان گئے پہچان گئے
ہاں ساتھ ہمارے انشا بھی اس گھر میں تھے مہمان گئے
پر اس سے تو کچھ بات نہ کی، انجان رہے انجان رہے
یہ باتیں جھوٹی باتیں ہیں، یہ لوگوں نے پھیلائی ہیں
تم انشاجی کا نام نہ لو، کیا انشا جی سودائی ہیں؟

جو ہم سے کہو ہم کرتے ہیں، کیا انشاکو سمجھانا ہے؟
اس لڑکی سے بھی کہہ لیں گے، گو اب کچھ اور زمانہ ہے
یا چھوڑیں یا تکمیل کریں، یہ عشق ہے یا افسانہ ہے؟
یہ کیسا گورکھ دھندہ ہے، یہ کیسا تانا بانا ہے؟
یہ باتیں جھوٹی باتیں ہیں، یہ لوگوں نے پھیلائی ہیں
تم انشاجی کا نام نہ لو، کیا انشا جی سودائی ہیں؟

 ye batain jhooti batain hain ye logon ne phelai hain
tum insha ji ka naam na lo kya insha ji sodai hain

hain lakhon rog zamane main kiyon ishq hai ruswa bechara
hain aor bhi wajhen wehshat ki insaan ko rakhti dukhyara
haan bekal bakal rehta hai ho peet main jis ne dil haara
har sham se le kar subho tak yoon kaon phire ga aawara
ye batain jhooti batain hain ye logon ne phelai hain
tum insha ji ka naam na lo kya insha ji sodai hain

 ye baat ajeeb sunate ho wo dunya se beaas huwe
ik naam suna aor ghash khaya ik zikr pe aap udaas huwe
wo ilm main aflatoon bane wo shair main tulsi daas huwe
wo tees baras k hote hain wo B A, M A paas huwe
ye batain jhooti batain hain ye logon ne phelai hain
tum insha ji ka naam na lo kya insha ji sodai hain

 gar ishq kiya hai tub kya hai kiyon shad nahi aabad nahi
jo jaan liye bin tal na sake ye aisi bhi uftaad nahi
ye baat to tum bhi mano ge wo qais nahi farhaad nahi
kya hijr ka daroo mushkil hai? kya wasl k nuskhay yaad nahi?
ye batain jhooti batain hain ye logon ne phelai hain
tum insha ji ka naam na lo kya insha ji sodai hain

 wo larki achi larki hai tum naam na lo hum jaan gaye
wo jis k laambe gaeso hain pehchan gaye pehchan gaye
haan sath hamare insha bhi us ghar main thay mehman gaye
par us se to kuch baat na ki anjaan rahe anjaan gaye
ye batain jhooti batain hain ye logon ne phelai hain
tum insha ji ka naam na lo kya insha ji sodai hain

 jo hum se kaho hum karte hain kya insha ko samjhana hai?
us larki se bhi keh lain ge, go ab kuch aor zamana hai
ya chorain ya takmeel karain ye ishq hai ya afsana hai
ye kaisa gurag dhanda hai ye kaisa tana bana hai
ye batain jhooti batain hain ye logon ne phelai hain
tum insha ji ka naam na lo kya insha ji sodai hain

Aankhain

مجھ سے ملتے ہیں تو ملتے ہیں چرا کر آنکھیں
پھر وہ کس کے لیے رکھتے ہیں سجا کر آنکھیں

میں انہیں دیکھتا رہتا ہوں جہاں تک دیکھوں
ایک وہ ہیں جو دیکھیں نہ اٹھا کر آنکھیں

اس جگہ آج بھی بیٹھا ہوں اکیلا یارو
جس جگہ چھوڑ گئے تھے وہ ملا کر آنکھیں

مجھ سے نظریں وہ اکثر چرا لیتے ہیں فراز
میں نے کاغذ پہ بھی دیکھی ہیں بنا کر آنکھیں

 Mujh Se Miltay Hain To Milte Hain Chura Kar Aankhain
Phir Wo Kis K Liye Rakthe Hain Saja Kar Aankhain

Mein Unhain Dekhta Rehta Hun Jahan Tak Daikhoon
Ek Wo Hain Jo Dekhain Na Utha Kar Aankhain

Uss Jagha Aaj Bhi Beitha Hoon Akaila Yaaro
Jis Jagha Chhor Gaye The Wo Mila Kar Aankhain

Mujh Se Nazrain Wo Aksar Chura Letay Hain Faraz
Mein Ne Kagaz Peh Bhi Dekhi Hain Bana Kar Aankhain

Qadam gin gin ke rakhte hain

قدم گن گن کے رکھتے ہیں کمر بل کھا ہی جاتی ہے
خدا جب حسن دیتا ہے نزاکت آ ہی جاتی ہے

ہے میرا حال کچھ ایسا شہر میں ان دنوں اے دوست
میرے گھر پہنچنے پہلے شکایت آ یہ جاتی ہے

نہ وہ پہلے سی باتیں ہیں نہ وہ پہلے سا اپنا پن
سنا ہے حسن کے نکھرنے پے یہ عادت آ ہی جاتی ہے

ایک سا ہے غم پنہاں جو اس گل میں میرے دل میں
گل کو ہنستے دیکھ دل میں اداوت آ ہی جاتی ہے

کیی بار سوچا کر دوں اس ظالم کو میں رسوا
اس فیصلے کے بیچ کمبخت شرافت آ ہی جاتی ہے

Qadam gin gin ke rakhte hain kamar ball kha hi jati hai.
Khuda Jab Hussn Deta Hai, Nazakat Aa Hi Jaati Hai,

Hai Mera Haal Kuch Aisa, Shehr Mein Inn Dino Aye Dost,
Mere Ghar Pohuchne Se Pehle Shikayat Aa Hi Jati Hai

Na Wo Pehli Si Baaten Hai, Na Woh Pehla Sa Aapnapun,
Suna Hai Hussn Ke Nikharne Pe, Yeh Aadat Aa Hi Jati Hai

Ek Sa Hai, Ghum-E-Pinha, Jo Uss Gul Mein, MereDil Mein,
Gul Ko Haste Dekh, Dil Mein Adaavat Aa Hi Jaati Hai

Kai Baar Socha Kar Doo Uss Zalim Ko Mein Ruswaa,
Iss Faisle Ke Beech Kambakht Sharafat Aa Hi Jaati Hai.