salook-e-narawa ka is liye shikwa nahi karta

سلوکِ ناروا کا اس لئے شکوہ نہیں کرتا
کہ میں بھی تو کسی کی بات کی پروا نہیں کرتا

ترا اصرار سر آنکھوں پہ تجھ کو بھول جانے کی
میں کوشش کر کے دیکھوں گا مگر وعدہ نہیں کرتا

بہت ہوشیار ہوں اپنی لڑائی آپ لڑتا ہوں
میں دل کی بات کو دیوار پر لکھا نہیں کرتا

اگر پڑ جائے عادت آپ اپنے ساتھ رہنے کی
یہ ساتھ ایسا ہے کہ انسان کو تنہا نہیں کرتا

زمیں پیروں سے کتنی بار اک دن میں نکلتی ہے
میں ایسے حادثوں پر دل مگر چھوٹا نہیں کرتا

میں اپنی دوستی کو شہر میں رسوا نھیں کرتا
محبت میں بھی کرتا ہوں مگر چرچا نہیں کرتا

جو مجھ سے ملنے آجائے میں اس کا دل سے خادم ہوں
جو اٹھ کے جانا چاہے اسے روکا نہیں کرتا

جسے میں چھوڑ دیتا ہوں پھر اس کو بھول جاتا ہوں
پھر اس کی گلی کی جانب مڑ کے میں دیکھا نہیں کرتا

salook-e-narawa ka is liye shikwa nahi karta
ke main bhi to kisi baat ki parwa nahi karta

tera israar sar aankhon par tujh ko bhool janay ki
main koshish kar k dekhoon ga magar wada nahi karta

bohot hoshyaar hoon apni laraii aap larta hoon
main dil ki baat ko deewar pe likha nahi karta

agar par jaye aadat aap apnay sath rehnay ki
ye saath aisa hai k insaan ko tanha nahi karta

zameen peroon se kitni baar nikalti hai
main aisay hadsoon pe dil choota nahi karta

main apni dosti ko shehr main ruswa nahi karta
muhabbat main bhi karta hoon magar charcha nahi karta

jo mujh se milnay aa jaye main us ka dil se khadim hoom
jo uth k jana chahe main us ko roka nahi karta

jise main chor deta hoon phir us ko bhool jata hoon
phir us ki gali ki janib mur k dekha nahi karta