sookhe hont sulagti aankhain

سوکھے ہونٹ، سلگتی آنکھیں، سرسوں جیسا رنگ
برسوں بعد وہ دیکھ کے مجھ کو رہ جائے گا دنگ

ماضی کا وہ لمحہ مجھ کو آج بھی خون رلائے
اکھڑی اکھڑی باتیں اس کی، غیروں جیسے ڈھنگ

تارہ بن کے دور افق پر کانپے، لرزے، ڈولے
کچی ڈور سے اڑنے والی دیکھو ایک پتنگ

دل کو تو پہلے ہی درد کی دیمک چاٹ گئی تھی
روح کو بھی اب کھاتا جائے تنہائی کا زنگ

انہی کے صدقے یا رب میری مشکل کر آسان
میرے جیسے اور بھی ہیں جو دل کے ہاتھوں تنگ

سب کچھ دے کر ہنس دی اور پھر کہنے لگی تقدیر
کبھی نہ ہوگی پوری تیرے دل کی ایک امنگ

شبنم کوئی جو تجھ سے ہارے، جیت پہ مان نہ کرنا
جیت وہ ہوگی جب جیتو گی اپنے آپ سے جنگ

sookhe hont sulagti aankhain sarson jesa rang
barson baad wo dekh k mujh ko reh jaye ga dang

mazi ka wo lamha mujh ko aaj bhi khoon rulaye
ukhri ukhri batain us ki ghairon jesey dhang

tara ban k door ufaq pe kanpe larze dole
kachi door se urne wali dekho aik patang

dil ko to pehle hi dard ki deemak chat gaii thi
rooh ko bhi ab khata jaye tanhai ka zang

unhi k sadke yarab meri mushkil kar aasan
mere jaise aor bhi hain jo dil k hathon tang

sab kuch de kar hans di aor phir kehne lagi taqdeer
kabhi na ho gi poori tere dil ki aik umang

shabnam jo koi tujh se hare jeet pe maan na karna
jeet wo hogi jab jeeto ge apne aap se jang